Pikkorissarnernut tapiissutinik AMA-mut qinnuteqaatit

AMA-nut pikkorissarnissanut neqeroorut suliffeqarfinnut namminersortunut saaffiginnippoq GER.nr./ CVR normulinnut:
Inuussutissarsiutinut ilinniakkanut ilinniarsimasunut ilinniarsimanngitsunulluunniit piginnaanngorsaqqinnernut tunngasut, soorlu:
Motorit (aquuteralaat), Fiskeskipperit, Mekanikerit, Elektrikerit, sanaartornermi atorfilinnut, sanasut, saffiornermik sulialinnut, kraninik aqutsisunut, tjenerinut, igasunut, nujalerisunut, kosmetologinut il.il.

Illit suliffeqarfiit AMA-mut pikkorissarnernut tapiissutinik qinnuteqassappat ima iliussaatit:

1. Pikkorissarnissanut tapiissutinik qinnuteqaat (AMA-mit aningaasaninngaanniik)
2. Suliffeqarfik GER.-nr/CVR.nr-lerlugu

• Immikkoortoq 1 qinnuteqaat immersoruk
• Immikkoortoq 2 Pikkorissarnissamut akuerisaasimanermut allakkiaq kakkiuguk. (Qinnuteqaat nassiunneqarsinnaassappat pikkorissarnissamut akuerisaanermut uppernarsaatit ilanngussatut kakkiunneqassapput, ilanngussanik kakkiussanik amigaateqartoqarpat digitalikkut qinnuteqaatit ingerlaannartumik nassiuneqannginnissaat atortut isumagissavaat)
• Immikkoortoq 3 Pikkorissarnerup aallartinnginnerani minnerpaamik ullunik 14-inik sioqqutsilluni qinnuteqartoqassaaq. (Qinnuteqarfissap killinga naareersimappat digitalikkut qinnuteqaatit nassiutinnginnissaat atortut nammineerlutik isumagissavaat).
• Immikkoortoq 4 digitalikkut qinnuteqaat nassiuguk toortagaq sungaartoq toorlugu

AMA pikkorissarnernut qinnuteqassagaanni:

1. Qinnuteqartut/pikkorissartut 18-inik ukioqalereersimassapput.
2. Aalajangersimasumik Kalaallit Nunaanni najugaqassaatit.
3. Pikkorissarneq minnerpaamik ullunik sisamanik sivisussuseqassaaq
4. Pikkorissarnerup aallartinnginnerani minnerpaamik ullunik 14-inik sioqqutsilluni qinnuteqartoqassaaq.
5. Aningaasartuutinut akiliisussaq CVR-mik normoqarnissaa piumasaqaataavoq

Pikkorissarneq naammassippat, illit sulisitsisoq/suliffeqarfiutilik pikkorissarnermi aningaasartuutit utertinnissaannut qinnuteqarsinnaavutit. Tapiiffigineqarnissamut qinnuteqarneq ataani nanineqarsinnaavoq, ilanngussassallu makkuupput:

• Angalanermi aningaasartuutit/timmisartornermi bilitsit
• Uninnganermi aningaasartuutit
• Ullormusiat

Angalanermut aningaasartuutinut tapiissutit taamaallaat angerlarsimaffimmit pikkorissariarfimmut atuupput. Ingerlaarnermi uninngaffissanut aningaasartuutit aamma biilinik attartornermut aningaasartuutit tapiissutinut ilaanngillat. Angalanerit AMA-mit aningaasanit akilerneqartut, angerlarsimaffimmit pikkorissariarfimmut aqqutaani unnuinertaqanngitsumik toqqaannartumik pissapput.

Pikkorissarnernut tapiissutinik AMA-mut qinnuteqarniaruit, uani nittartakkami qullermi nammineq sullinnermi qulaatungaani toortagaq sungaartoq "Maana qinnuteqarit" toorlugu qinnuteqassaatit.

• Pikkorissarnissamut akuersissut

Toortakkap sungaartup "Maana qinnuteqarit" toorneratigut qarasaasiakkut nammineerlutit immersuiffissamik immersuillutit aallartissaatit

Malugiuk:
MitID atorlugu qarasaasiamut isersinnaaguit qinnuteqaatigisat qarasaasiaq atorlugu taamaallaat nassiussinnaavat.

Pikkorissarnernut tapiissutinik AMA-mut qinnuteqarniaruit qinnuteqarnermut immersugassaq immersorneqassaaq.

"Maanna qinnuteqarit" sungaartoq toorlugu:

• "Immersoruk anisillugulu" toorsinnaavat, immersugassaq onlinekkut immersornissaa anisinnissaalu kissaatigigukku (MitID piumasaqaataanngilaq)
• "Anisiguk" toqqarsinnaavat, immersugassaq anisillugu kuglepennimik immersoriarlugu tunniunniarukku (MitID-eqartariaqanngilatit).

Immersuiffissaq najukkanni innuttaasunik sullissivimmut imaluunniit nunaqarfiup allaffianut tunniutissavat.

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup qinnuteqaatit suliarissavaa, qaammatillu ataatsip iluani akissutissarsissaatit.

Qinnuteqaatit pikkorissareernerup aallartinnginnerani kingusinnerpaamik ullut 14-init qaangiutsinnagit tamatigut nassiunneqartassapput.
Ukioq kaajallallugu qinnuteqarsinnaavutit.

Aalajangiineq manna allaffissornikkut oqartussanut allanut naammagittaalliuutigineqarsinnaanngilaq.