Suliffeqarniarneq allanngorartuartuuvoq. Inuussutissarsiutit ilaat ineriartorput, kisiannilu allat uninngallutik imaluunniit kinguariarsimallutik. Ineriartornermut malinnaassagaanni suliffissaqarniarnerlu pigiinnarlugu pisariaqarsinnaasarpoq ilinniaqqinnissaq.
AMA (ilinniagassat suliffissanut naleqqussakkat) tapiissutitut aaqqiineruvoq ilinniaqqinnissamut piginnaasanillu nukittorsaanissamut periarfissiisoq. Aaqqissugaq sulisoqarnermut akitsuutinit aningaasalersorneqarpoq, inuussutissarsiutitut ilinniakkanut pikkorissaanernut ilinniaqqinnernullu tapiissuteqartarluni.
AMA aqqutigalugu sulisitsisut imaluunniit kommunerisat ilinniaqqinnermut pikkorissarnermullu atatillugu ilaatigut angalanermut inissisimanermullu tapiissutinik qinnuteqarsinnaallutit. Tamatumani ajornannginnerulerpoq pikkorissarnermut peqataanissamut - sumiikkaluaruilluunniit.
AMA-mi pikkorissarnerit amerlanerpaat misilitsissutaasarput. Pikkorissarnerit naammassippat pikkorissarsimanermut allagartartaassaatit, uppernarsarneqarlutik piginnaasatit nutaat kiisalu periarfissatit nukittorsarneqassapput assersuutigalugu nutaamik suliffissarsiornissamut.
AMA-mi pikkorissarnerit kimoortuuppat.
AMA--mi pikkorissarnerit ilinnoortuupput ilinniaqqikkusuttumut - ilinniagaqanngikkuit, ilinniarsimasuuguit, suliffeqaruit suliffeqanngikkuilluunniit.
Sumi aamma qanoq sivisutigisumik?
Pikkorissarnerit Inuussutissarsiutinik Ilinniarfinnit neqeroorutigineqartarput taakkunanilu ingerlanneqarlutik. AMA-mi pikkorissarneq minnerpaamik ullut sisamat sivisussuseqartarpoq, nalinginnaasunik sapaatip akunnerini ataatsimiit sisamat tungaanut sivisussuseqarsinnaalluni.
Qinnuteqaat, pikkorissarneq ullut 14 sioqqullugit nassiunneqarsimassaaq.
Sutut pikkorissarsinnaavit?
Suliassaqarfinni assigiinngitsuni amerlasuuni AMA-mi pikkorissarfissaqarpoq, assersuutigalugu:
• Sanaartorneq
• Aatsitassalerineq
• Savimerngit
• - Niuernermut tunngasut.
• Takornariaqarneq
• Aalisakkanik suliffissuaq
• Oqaatsit aamma attaveqaqatigiinneq
• Inuussutissalerineq aammalu akunnittarfiit/neriniartarfiit
• Isumaginninnermi perorsaasut
• Peqqinnissaqarfimmut tunngasut
Pikkorissarnermi piginnaasaqalissaatit periarfissatillu nukittorsarlugit - massakkulluunniit suliffiit tigummiinnassagaluarukku imaluunniit nutaamik misileerusukkuit.
Siunnerfiusut tassaapput suliamik ilinniagaqarsimanngitsut, suliamik ilinniagaqarsimasut, inuit suliffillit aamma suliffissaaleqisut.
AMA-mi pikkorissartitsisarnerit Qitiusumik Ilinniarfinnit neqeroorutigineqartarlutillu taakkunani ingerlanneqartarput. Sivikinnerpaamik ullunik sisamanik sivisussuseqartarput sapaatillu-akunneranik ataatsimit sisamat tikillugit sivisussuseqartarlutik. AMA-mi ilaatigut makku iluanni pikkorissartitsinernik neqerooruteqartoqartarpoq:
- Sanaartorneq
- Aatsitassarsiorneq
- Saviminilerineq
- Niuertarfiit
- Takornariaqarneq
- Aalisakkanik suliffissuit
- Oqaatsit
- Nerisassat aamma akunnittarfiit/neriniartarfiit
- Isumaginninnerup iluani perorsaanermut tunngasut
- Peqqinnissaq
AMA-mi pikkorissartitsinernut qinnuteqarsinnaanissannut piumasaqaataavoq 18-inik ukioqalereersimanissaq. Tamatuma sanitigut pikkorissartitsinernut ataasiakkaanut pineqartunut suliatigut piumasaqaataasut naammassisimassavatit.
AMA-mi pikkorissaqataaniaruit takkuttarnissamut pisussaaffeqarputit.
Angalanermi aningaasartuutit
AMA-mi pikkorissariartorlutit illoqarfimmut allamut angalassaguit angalanerit, najugaqarnerit, najugaqarninnilu nerisaqartinneqarnerit sulisitsisuit imaluunniit kommunip akilissavai. Tamatuma kingorna sulisitsisut imaluunniit kommune aningaasartuutigisimasat AMA-mi aningaasaatit aqqutigalugit utertissutigineqarnissaat pillugu qinnuteqarsinnaapput.
Aningaasartutaasimasunut utertitsinissamut qinnuteqaat
Pikkorissarnermut tapiissummik (AMA-p iluani) qinnuteqarnissamut immersuiffissaq aajuk
Pikkorissarnermut aningaasartuutit
Pikkorissartitsinermut aamma akiliuteqartoqartussaavoq. Pikkorissarnermut akiliutit pikkorissarnermit pikkorissarnermut assigiinneq ajorput. Kiap akilissaneraa apeqqutaassaaq suliffeqarnersutit imaluunniit suliffissaaleqisuunersutit:
- Suliffeqaruit sulisitsisut taannaavoq akiliuteqartussaq
- Suliffissaaleqisuuguit pikkorissartitsinissamut akiliutissaq kommunip akilissavaa
Pikkorissarnerup nalaani isertitat
Suliffeqaruit nalinginnaasumik aningaasarsiatit pikkorissarnerup nalaani isertitarisassavatit. Sulisitsisut pikkorissarninnit taartisianik pissarsisinnaassanngilaq, taamaattumik AMA-mi pikkorissaqataalersinnak sulisitsisut akuersiteqqaarsimassavat.
Suliffissaaleqisuuguit suliffeqanngikkallarnermi ikiorsiissutit imaluunniit pisortanit ikiorsiissutit pisartagarissavatit.
AMA-mi pikkorissarnerit (suliffissaqartitsiniarnermi ilinniartitsinerit) neqeroorutaapput suliffilinnut suliffissaaleqisunullu, nalunaarnissarlu pisut nalaani pissutsinut naleqqussagaalluni.
Suliffeqaruit
Suliffeqaruit, sulisitsisut tassaavoq AMA-mi pikkorissarnissannut nalunaartussaq. Tamanna ima isumaqarpoq, illit peqataanissamut soqutiginnikkuit nammineerlutit sulisitsisut attavigissagit.
Sulisitsisut tassaavoq akuersisussaq illit pikkorissarnerni akissarsiaqartitsilluni pikkorissarnermullu akitsuut akilertussaallugu. Taamaattumik pingaaruteqarpoq qinnuteqannginnermi sulisitsisumit akuerineqarnissat.
Suliffeqanngikkuit:
Suliffeqanngikkuit, piffimmi suliffissarsiuussisarfik tassaavoq illit sinnerlutit nalunaartussaq. Taamaattumik AMA-mi pikkorissarnermi peqataanissat kissaatigigukku suliffissarsiuussisarfik attavigiuk.
Imatut qinnuteqassaatit
Sulisitsisut imaluunniit suliffissarsiuussisarfik aqqutigalugu nalunaarsimaguit, immersugassaq taannaavoq ataatsimut immersorneqartussaq. Immersugassaq taanna illit aamma pikkorissarnissannut nalunaartoq immersussavarsi.
Immersugassaq piffini suliffissarsiuussisarfinni pissarsiarineqarsinnaavoq imaluunniit inuussutissarsiutinut ilinniarfinni assigiinngitsuni pikkorissarnissamut allattorsimaffinni. Pikkorissarnissanut allattorsimaffiit ilinniagarfiit nittartagaani pissarsiarineqarsinnaapput.
Pikkorissarnissanut allattorsimaffiit aamma Ilinnialernissamut piumasaqaatinut tunngasut
Pikkorissarnissanut allattorsimaffinni ilanngullugit nassaarissavatit ilinniakkamut isernissamut piumasaqaatit, qinnuteqarfissanut killigititat pikkorissarnissanullu paasissutissat allat nalinginnaasut.
Pikkorissarnissanut allattorsimaffiit ilinniarfiit ataasiakkaat nittartagaanni ataani allassimasuni takusinnaavatit:
Peqqissaanermik Ilinniarfik (PI)
Teknikimik Ilinniarfik (KTI)
INUILI
Perorsaanermik Ilinniarfik (PI/SPS)
Campus Kujalleq (CAK)
Imarsiornermik Ilinniarfik
Niuernermik Ilinniarfik