airplanebooksbriefcase business cogs cross election entertainment fish house law lockmedicalpeopleselfservices socialtax

Pissassarfimmut innersuunneqarnissarnut qinnuteqarit

Pissassarfik Nuna Tamakkerlugu Inunnut Innarluutilinnut Sullissiviup, Sisimiuni inissisimasup pissassarneq innuttaasunut innarluutilinnut qassinilluunniit ukiulinnut neqeroorutigivaa.
Maana qinnuteqarit

Paasissutissat nalinginnaasut 

Pissassarfik Nuna Tamakkerlugu Inunnut Innarluutilinnut Sullissiviup, Sisimiuni inissisimasup pissassarneq innuttaasunut innarluutilinnut qassinilluunniit ukiulinnut neqeroorutigivaa.

Timimik sungiusaasut, pillorissaasut aamma perorsaasut peqatigalugit innuttaasumut naleqqussakkamik pissassarneq ingerlanneqartarpoq innuttaasup ulluinnarni killiffimmini unammillernartitai, avatangiisai aamma pissassariarnermi angorusutai aallaavigalugit.

Pisariaqartitsineq naapertorlugu pissassariartoq tapersersortimik imaluunniit ingiallortaasumit ilagineqartarpoq. Pissassarneq sapaatip akunnerini marlunni sivisussusilimmik ingerlanneqartarpoq.

Pissassarfik aamma pissassarneq pillugu paasisaqarnerorusukkuit pissassarfiup nittartagaa alakkaruk.

Qinnuteqarnissamut piumasaqaatit 

  • Suussusilerneqarsimasumik innarluuteqassaatit
  • Meeqqat inuusuttullu nakorsamiik innarluutaat pillugu suussusilerneqarnissamik utaqqisut, pissassarfimmut pissassarnissamut innersuunneqarsinnaapput
  • Illit, ingiallorti imaluunniit tapersersorti pissassarfiup ineqarfiani ulluinnarni suliassaasut nammineerussinnaassavasi

Pissassarnerup ingerlasarnera 

Pissassarneq soorlu makkunannga imaqarsinnaavoq:

  • Qulaajaaneq
  • Paasiniaaneq
  • Ilitsersuineq
  • Ilisimasanik avitsineq
  • Timikkut sungiusaaneq
  • Ikiuutinik misileraaneq
  • Killiffik aallaavigalugu oqaloqatigiinneq

Pissassarneq sungiusarnerinnaanngilaq, ulluinnarnili innuttaasup unammillernartitaasa malitsigisartagai tamakkiisumik isigalugit aamma sammineqartarput, soorlu inuiaqatigiinni inuuniarnikkut ataqatigiissumik tulluarsakkamik sullinneqarneq ilanngullugu.

Akigititat 

Pissassariarneq ilinnut, ingiallortimut aamma tapersersortimut akeqanngilaq.

Attaveqaatitigut qinnuteqaatit nassiunniarukku (MitID-eqaruit) 

Pissassariarnissamut innersuunneqarnissamut qinnuteqarusukkuit “Maana qinnuteqarit” tuussavat.
Imminut sullinniaruit, MitID illit nammineq pigisat isertaatitut atussavat.

Immersuininni pingaartipparput
Ulluinnarni soorlu timikkut aamma inuiaqatigiinni inuuniarnikkut atukkatigut unammillernartitatit pissassariarnermilu angorusutatit itisilerlugit immersornissaat.

Malugiuk: MitID-it atorlugu iserlutit, qinnuteqaatit attaveqaatitigut aatsaat nassiussinnaavat.

Ornigullutit qinnuteqaatit tunniukkiartorniarukku (MitID-eqanngikkuit) 

. Immersugassaq attaveqaatitigut immersoriarlugu pappiaranngorlugu anisikkusukkaanni

Toortagaq sungaartoq “Maana qinnuteqarit” tooriarlugu:

• “Immersoruk anisillugulu” toqqassavat, immersugassaq attaveqaatitigoortumik immersoriarlugu pappiaranngorlugu anisikkusukkukku, (MitID pisariaqanngilaq)


Immersugassaq pappiaranngorlugu aniseriarlugu immersorniarukku:

• “Anisiguk” toqqassavat, assammik allallutit immersoriarlugu najukkanni sullissivimmut tunniutissavat, (MitID pisariaqanngilaq)

Suliamut ingerlatseriaaseq 

Kommunimit qinnuteqaatit tiguneqarpat sullissisut pissassariarnissamut piukkunnaateqarnersutit nalilersussavaat. Pissassariarnissamullu innersuunneqaruit kommunip qinnuteqaat immersoqqeriarlugu Pissassarfimmut ingerlateqqissavaa. Kommuni pissassariarnissamut itigartitsisinnaavoq.
Pissassarfimmi innersuussanut ataatsimiititaliap qinnuteqaatit aallaavigalugu pissassariarnissat ilinnut naleqqunnersoq aamma nalilersussavaat.

  • Akuerineqaruit, Pissassarfimmit akissut kommunimut ingerlateqqinneqassaaq
  • Itigartinneqaruit, Pissassarfimmit akissut tunngavilersuutitalik aamma siunnersuutitalik kommunimut ingerlateqqinneqassaaq

Allakkatigut akissutissarsineq
Pissassariarnissamut akuerisaanersutit imaluunniit itigartitaanersutit maili immersuinermi allatat aqqutigalugu kommuni akissuteqassaaq.

Qinnuteqarnermiit akissutissarsinissap tungaanut sivisussusaa
Kommunimi aamma Pissassarfimmi qinnuteqaatit immikkut sapaatip akunerini marlunni sivisussusilimmik suliarineqartarmata, qinnuteqaativit nassiunneranit akissutissarsinissat qaammat sinnilaarlugu sivisussuseqarsinnaavoq.

Allannguutit 

Sullissinermut sunniutilimmik allanngortoqarpat kommunimi sullissisut attavigissavat. Assersuutigalugu sullissinerup ingerlanerani kommunerisannit nuukkuit, kommunerilikkannut sullissisumut suliamik ingerlasoqarnera nalunaarutigissavat.

Piffissaliussat 

Ukioq kaajallallugu Pissassarfimmi pissassariarnissamut qinnuteqarsinnaavutit.

Maalaaruteqarneq 


Kommunalbestyrelsip aalajangiinera pillugu Isumaginninnermi naammagittaalliuteqartarfimmut naammagittaalliuuteqarsinnaavutit.
Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Pissassarfik
Nalunnguarfimmut 4
3911 Sisimiut
Oqarasuaat: (+299) 34 50 70
E-mail: Pissassarfik@nanoq.gl
Nittartagaq: www.pissassarfik.gl

Ammasarfiit
Ataasinngorneq - tallimanngorneq nal.: 09:00-12:00  aamma  13:00-15:00

Isumaginninnermut Aqutsisoqarfik
Postboks 1755
P.H. Lundsteensvej 2
3900 Nuuk

E-maili: iass@nanoq.gl
Oqarasuaat: (+299) 34 50 00
Ulluinnarni 09.00 - 16.00