Atisanut containerit
Ilaatigut peqatigiiffik atisanut containerimik inissiinikuuvoq, illoqarfiup innuttaasa atisatik skuutillu atorsi-masatik tassunga ikisinnaavaat, tunniussallu atornikuerniarfimmi tuniniarneqartarput.
Containereqarmat atisat atorunnaakkallu allat tunniunnissaat ajornaannerulersimavoq, pissutigalugu pisiniarfiup ammasarfii apeqqutaatinnagit tunniussisoqarsinnaanngormat. Aammattaaq atisat ammasarfiup avataatigut tunniunne-qarsimasut silamut anorimillu aseruatiternissaannut ulorianaat appartinneqarpoq.
Pequtinik atueqqiineq
Tamatuma saniatigut 2023-ip ingerlanerani Ilulissani pisiniarfiup eqqaani containerimik pequtinut atorniku-nut tuniniaanissamut atortussamik inissiisoqarumaarpoq. Pisiniarfiusup inikinnera majuartarfiisalu aminneri peqqutaallutik apeqqutigineqakkajukkaluartoq tassanngaanniit maannakkut tuniniaasoqarsinnaanngilaq.
Atisat avannamut nassiunneqassapput
Naggasiutitut KRK Ilulissat pisiniarfimminniit Avannaata Kommuniani nunaqarfiit avannarpasinnerusut atisa-nik tunniussillutik nassiussinissaminnut aningaasaliivigineqarput. Peqatigiiffiup ukiuni kingullerni Kalaallit Nunaata avannaani peqqinnissamut ikiortit innuttaasut atisanik, ingammik meeqqat atisaannik, amigaate-qartarnerat pillugu suleqatigisimavaat. Tamanna iluatsilluarsimaqaaq nunaqarfinnilu innuttaasunut nuan-naarutaasimaqaluni. Nunaqarfinni avinngarusimasuni atisanik noqqaaneq annertummat Ilulissani Kalaallit Røde Korsiata suliniutip tamatuma ingerlaannaarnissaa kissaatigeqaa.
Peqatigiiffiup suliai pillugit paasissutissanik annertunerusunik perusukkuit, namminerlu piumassutsinnik iki-uukkusukkuit allatigulluunniit ikiuukkusukkuit Ilulissani Røde Kors uunga mailimut allallutit attavigisinnaavat: ilulissat@krk.gl imaluunniit pisiniarfiutaanni sulisui naapillugit.
Ilulissani Kalaallit Røde Korsiat pillugu paasis-sutissat, ammasarfiit aaqqissuussinerillu Facebookimi qupperneranni takukkit.