Iliveqarfiit

Kinaluunniit Kalaallit Nunaanni najugaqartoq attuumassuteqartorluunniit Kalaallit Nunaanni iliveqarfinni ilineqarsinnaavoq.

Toqusup uppeqatigiinnut sorlernut ilaanera pissutsilluunniit allat eqqarsaatiginagit ilivermik nalinginnaasumik innersuussisoqartassaaq. Tamanna imatut paasineqassaaq, qanigisannik toqukkut annaasaqarsimaguit, toqukkut qimagussimasup iliveqarfimmi iliveqartinnissaanut pisinnaatitaaffeqarputit.

Iliveq toqusup ilaqutaanit aserfallatsaalineqassaaq.

Kommunimi innuttaasunut iliveqarfinni ilerrit naammattumik inissaqarnissaat kommunalbestyrelsip isumagissavaa.

Iliveqarfinnik pilersitsinissaq, aserfallatsaaliuinissaq atorunnaarsitsinissalu taakkununngalu aningaasartuutit akilernissaat kommunalbestyrelsip akisussaaffigaa.
Iliveqarfiit ulluinnarni aserfallatsaaliornissaat taakkuninngalu aqutsinissaq ilagiit sinniisaasa akisussaaffigaat ingerlatissallugulu, taamaallaat imatut paasineqassaaq sanningasunik qalipaaneq iluarsaanerlu, allanillu pinnersaaneq, kisiannili aputaajaaneq suliassalluunniit annertunerusut assigisaat pineqaratik, aserfallatsaaliuinertut, ingerlatsinertut sanaartornertulluunniit isigineqartut.

Ilisinerup kingorna minnerpaamik ukiut 50-it qaangiutereerpata aatsaat iliveq atoqqinneqarsinnaavoq.

• Oqaluffimmi ilisisarnerit