Angallatinik qanganitsersimasunik isaterinissamut tappiisutinik qinnuteqaat

Aalisarnermi ineriartortitsinermut immikkoortitat siunertaraat aalisarnermik ingerlatsisut siuarsaanissamut inerisaanissamullu tapiiffigineqarnissaat, matumanilu aalisariutit nutarsarnissaannut tapiissuteqarneq. Taamaammat isaterinissamut ataatsimiititaliap nalilersuereerneratigut aalisariutinik qanganitsanik isaterinissamut tapiisoqarsinnaavoq.

Tapiisoqarsinnaavoq angallatit:

1) Aalisariutinik nalunaarsuiffimmi nalunaarsorsimappat imaluunniit Angallatinik nalunaarsuffimmiippat aammalu Aalisarnermut, Piniarnermut, Nunalerinermut Imminullu pilersornermut Naalakkersuisoqarfiup angallatinut aalisarnermik inuussutissarsiornermut akuersissutilinnut nalunaarsuiffiani nalunaarsorsimappat,
2) Angallatip allagartaa malillugu angissusaa 5 BRT 8 BT qaangersimappagu taamaattorli 75 BRT/120BT ataallugu angissuseqarpat
3) Ukiunik 25-nik angallat pisoqaassuseqarpat pisoqaanerulluniluunniit,
4) Nunatsinni aalisarnermi aalisaqataasarsimappat, Nunatta sineriaani qanittumi imartani aalisarnermut atorneqarsimappat.

• Pisassiissutinik niuerutigineqarsinnaasunik nammineq pigisaqarluni aalisarnermut akuersissuteqaruit pisassiissutinillu pigisaqarlutit, isaterinissamut tapiissutinik qinnuteqannginninni ukiuni kingullerni marlunni pisassiissutivit tamaasa taakkuluunniit ilaannik tunisaqarsimassanngilatit.
• Pisassiissutinit pigisaqaruit tapiissutinik pereernerup kingorna ukiuni tallimani pisassiissutinit pigisannit tamakkiisumik ilaannilluunniit tunisaqannginnissannik tapiissuteqarnissat piumasaqaatitaqassaaq. Pisassiissutinit pigisannit ukiut tallimat iluanni tunisaqaruit tapiissutit utertillugit akileqquneqarsinnaapput.
• Angallammik isaterititsineq, Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmiit akuerisaasumiit ingerlanneqassaaq, ugguuna akuerisaasut takujuk: Nuummiit Avannamut isaterititsisartut akuerisat  
• Tapiissutit tunniunneqartinnagit angallatip aalisariutinik nalunaarsuiffimmit umiarsuarnut nalunaarsuiffimmiittumit nalunaarsorsimanera peerneqassaaq isaterneqarsimassallunilu.

Naalakkersuisut isaterinermut ataatsimiititaliamit pilersitsisimapput, taakkulu qinnuteqaatit tamaasa piumasaqaatinik eqquutitsisimanersut misissortarpaat.

Ataatsimiititaliaq ataasiakkaanik nalilersuereernermini aningaasaliissutit tapiissutissatut atugassanngortinneqarsimasut aammalu isaterinissap pissusissamisoornera aamma tapiissuteqartoqarnissaanik nalilersuereernermini qinnuteqaatinik salliutitsissaaq. Pingaarnersiuinerit makku aallaavigalugit ingerlanneqartarput:

1) Angallatip pisoqaassusaa usigisinnaasaalu,
2) Angallatip siusinnerusukkut pisarisimasai,
3) Nunap immikkoortuata ilaani angallatit akuersissutilluunniit qassiuneri, aammalu
4) Angallativit qanoq sivisutigisumik pigisimanera.

Angallatip angissusaanut pisoqaassusaanullu naleqqiullugu aalajangersimasumik naatsorsueriaaseq tunuliaqutaralugu tapiissutit amerlassusaat aalajangersarneqassapput. Tapiissutit annerpaamik angallatip nalianiit 100 %-imik amerlassuseqarsinnaapput. Angallatip nalinga nalilersuisartumit arlaannaannulluunniit attuumassuteqanngitsumit Aalisarnermut, Piniarnermut Nunalerinermut Imminullu Pilersornermut Naalakkersuisoqarfimmit toqqarneqartumit aalajangersarneqassaaq. Ugguuna takujuk: Isaterititsinissamut nalilersuisinnaasutut innersuunneqartut. Nalilersuisitsinermi aningaasartuutit nammineq akilissavatit.

Angallammik isaterinissamut qinnuteqarnissaq ukiumik ataatsimik sioqqullugu angallatip motorilluunniit ajoqusersimanera pissutigalugu sillimmasiisarfimmiit akiliutigineqartut angallammik iluarsaassinermut atorneqarsimanngippata tapiissuteqarnermi taakkua ilanngaatigitinneqassammata maluginiaruk. Isaterinissamut tapiissutinik qinnuteqareernerpit kingorna angallatit ajoqusersimappat, tapiissutilli suli tunniunneqaratik, sillimmasiissutaasimasinnaasut aningaasartaat tunniunneqarsimasut tapiissutinit ilanngaatigineqassapput.

Isaterititsinissamut tapiiffigineqarnissamik qinnuteqarsinnaavutit, imaattoqarpat:

1) Angallammik ukiunik 25-nik qanganisaanermilluunniit peqaruit, Kalaallit Nunaanni aalisarnermut atorneqarsimasumik, tassa Nunatta sineriaani qanittumi imartani aalisarnermut atorneqarsimappat,
2) Angallatit Umiarsuarmik nalunaarsuiffiup nalunaarsorsimaffiannut ilanngunneqarsimappat: Skibsbladet aamma Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik. Takuuk una aqqutigalugu aalisa@nanoq.gl
3) Angallatip allagartaa malillugu angissusaa 5 BRT/ 8 BT qaangersimappagu taamaattorli 75 BRT/120 BT ataallugu angissuseqarpat
4) Pisassiissutinik niuerutigineqarsinnaasunik nammineq pigisanit PNNP-nit pivit tamaasa taakkuluunniit ilaannit ukiuni kingullerni marlunni tunisaqarsimanngikkuit.

Isaterinissamut taperneqarnissamut qinnuteqarniaruit AAPISI-mit ikiorneqarsinnaavutit Saqqaa- Kalaallit nunaanni aalisartunut piniartunullu siunnersuisoqarfik.

Qinnuteqarfissaq immersugassaq aajuk

Qinnuteqarnermi uppernarsaatit makku ilanngutissavatit:

• Qinnuteqarfissamut immersugassaq.
• Isaterisarfimmit isaterinissamut neqeroorut
• Angallatip naliliisartumiit nalilerneqarnera.
• Imarsiornermi Aqutsisoqarfimmit angallatit nalunaarsorsimaffiata allagartaa.
• Aningaasalersuisartut, taamaattoqarpat, aningaasalersuisimanngippata.

Aalisariut isaterneqassappat Nunatta imartaata qanittumi sineriaani aalisarnermut atorneqarsimassaaq.

Qinnuteqaatit nassiukkukku, qinnuteqaatit Aalisarnermut Piniarnermut, Nunalerinermut Imminullu Pilersornermut Naalakkersuisoqarfimmit nalunaarsorneqassaaq, qinnuteqaativillu tiguneqarsimaneranik uppernarsaammik nassinneqassallutit.

• Qinnuteqaat isaterinermut ataatsimiititaliamit suliarineqassaaq Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmit misissorneqareerpat.
• Qinnuteqaatit amigaateqarpat Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup attaveqarfigissavaatit. Uppernarsaatit tamarmik ilanngunneqarsimappata qinnuteqaatip suliarineqarnera aallartissinnaalissaaq.
• Qinnuteqaatit tamarmik misissorneqassapput, ataatsimiititaliarlu ataasiakkaanik nalilersuereernermini aningaasaliissutit tapiissutissatut atugassanngortinneqarsimasut aammalu isaterinissap pissusissamisoornera aamma tapiissuteqartoqarnissaanik nalilersuereernermini qinnuteqaatinik salliutitsissaaq.
• Pingaarnersiuinerit makku aallaavigalugit ingerlanneqartarput:

o Angallatip pisoqaassusaa usigisinnaasaalu,
o Angallatip siusinnerusukkut pisarisimasai,
o Nunap immikkoortuata ilaani angallatit akuersissutilluunniit qassiuneri, aammalu
o Angallativit qanoq sivisutigisumik pigisimanera.

• Suliap suliarineqarnera naammasseriarpat

o Qinnuteqarsimasunut piumasaqaatinik eqquutsitsisunut toqqarneqartunut tapiisoqarnissaanik neriorsuisoqassaaq
o Piumasaqaatinik naammassinninngitsunut tunngavilersuutilerlugit itigartitsissutinik nassiussisoqassaaq

Maluginiaruk, tapiissutit isaterisussamut toqqaannartumik tunniunneqassammata, kiisalu angallatip isatereernerata kingorna kiisalu umiarsuarnut nalunaarsuiffimmit peerneqareernerata kingorna aatsaat tunniunneqassallutik.

Qinnuteqaatinnut nassiuteriikkannut tunngatillugu paasissutissanik allannguuteqartoqarsimappat pisussaaffigaat Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut tamanna nalunaarutiginissaa

Allannguutit tiguneqarpata qinnuteqaatip suliarineqarnera nanginneqarsinnaassaaq.

Ukioq Kaajallallugu isaterititsinissamik tapiissutinik qinnuteqartoqarsinnaavoq.

Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup aalajangigai oqartussanut allanut maalaarutigineqarsinnaanngillat.