Avannaata Kommuniata upalungaarsimasuutitaasa kommunimi najugallit sulittarpaat, makkunannga suliaqartaramik: ikuallattunik annaassiniarnerit, kommunip suliffeqarfiutaani paaqqinnittarfiutaanilu ikuallannermik atortut suliarisarlugit, ikuallattoqarnerani ikiueqqaarnermillu pikkorissartitsinerit kiisalu katersortarfinni, pisiniarfinni akunnittarfinnilu ikuallannermi atortut nakkutigineri.
Upalungaarsimaneq
Upalungaarsimasuutitat sunik suliassaqarpat?
Avannaata Kommuniani Upalungaarsimasussaatitat suliassaraat pinaveersimatinniassallugit, killilerniassallugit ikiorserniassallugillu, ajutoornerni ajunaarnersuaqarnernilu, inunnut, pigisanut avatangiisinullu ajoqusiisinnaanerit.
Qatserisartoorusuppunga, qanoq iliorsinnaavunga?
Qatserisartunngorusukkuit, najukkanni qatserisartoqarfimmut saaffiginnissaatit. Illoqarfinni qatserutaasiviit sumiiffii matuma ataani takusinnaavatit.
Tassaarsuaqarnissaanut upalungaarsimaneq
Tassaarsuaqarnissaanut upalungaarsimaneq pillugu paasisaqarnerorusukkuit una toorsinnaavat tooruk
Najukkanni qatserutaasiviup sumiiffia matuma ataani takusinnaavat:
Ilulissani Upalungaarsimasuutitat
Qatserutaasivik Ilulissat
Noah Mølgaard-p Aqq. 12
3952 Ilulissat
Uummannaq Upalungaarsimasuutitat
Uummannami Qatserisartut
Tittus Johansen-p Aqq. 1393
3961 Uummannaq
Upernavimmi Upalungaarsimasuutitat
Upernavimmi qatserutaasivik
Ukuarluup Aqq. B 1252
3962 Upernavik
Qaanaami Upalungaarsimasuutitat
Qaanaami qatserutaasivik
B 437
3971 Qaanaaq
Kommunip upalungaarsimanissamut ataatsimiititaliaa
Kommunip upalungaarsimanissamut ataatsimiititaliaa pillugu annerusumik paasisaqarit uani:
Inatsisit naapertorlugit Kommunalbestyrelsi upalungaarsimanermut ataatsimiititaliaq pilersittussaavaa.
Upalungaarsimanermut ataatsimiititaliaq aggersarneqartartussaavoq, assersuutigalugu annertuumik ajutoortoqartillugu/ajunaarnersuaqartillugu. Tamatuma saniatigut kommunimi upalungaarsimasuutitat ataatsimeeqatigisarpaat.
Upalungaarsimanermut atatasimiititaliaq minnerpaamik arfinilinnik ilaasortaqartussaavoq, taakkunannga sisamat kommunalbestyrelsimit toqqarneqartussaallutik.
Avannaata Kommuniani kommunip upalungaarsimanissamut ataatsimiititaliaa ukuninnga ilaasortaqarpoq:
Palle Jeremiassen (AI) borgmesteri, siulittaasoq
Sakio Fleischer (S)
Niels Davidsen (IA)
Isak Pjettursson, Upalungaarsimanermut pisortaq
Flemming Lauritzen, Politiit pisortarigallagaat
Karl Madsen, Teknikkeqarnermut pisortaq