Folketingimut qinersisinnaatitaaneq
Kalaallit Nunaanni folketingimut qinersinermut inatsit pillugu nalunaarummi nr. 1167, 15. september 2023-imeersumi takuneqarsinnaapput makku:
Kalaallit Nunaanni folketingimut qinersisinnaassaguit qinersisinnaatitaassaatit aamma qinersisartut allattorsimaffianni allassimassaatit.
Qinersisartut kommunimi inuit nalunaarsorsimaffianni nalunaarsorneqarfigisimasaminni qinersisartut allattorsimaffianni ilanngunneqassapput.
Sumiiffiit kommunit aggornerisa avataanniittut Avannaata Kommuniani taasiartorfissatut atatinneqassapput.
Kalaallit Nunaanni folketingimut qinersisinnaatitaassaatit Avannaata Kommunianilu qinersisartut allattorsimaffiannut ilanngunneqarsinnaassaatit, illit:
- qallunaatut innuttaassuseqaruit,
- 18-inik ukioqalereersimaguit,
- Avannaata Kommuniani inuit nalunaarsorsimaffianni nalunaarsorsimaguit aamma
- nammineersinnaassusiiagaasimassanngikkuit
Inuit imm. 3-mi aalajangersimasumik najugaqarnissamut piumasaqaatinik eqquutsitsinngitsut aamma Kalaallit Nunaata folketingimut qinersisarneq pillugu inatsimmik nalunaarut nr. 1167, 8. septembari 2023-meersumi ilaatinneqartut qinersisartut allattorsimaffiannut ilanngunneqarnissamut qinnuteqarsinnaapput.
Qinersisinnaanermut piumasaqaatit immikkut ittut:
Taamaattoq immikkut piumasaqartoqarneratigut qinersinermut siulersuisut inuit ilaat qinersisussat allassimaffiannut ilanngutititsisinnaapput. Uani pineqarput inuit, aalajangersimasumik najugaqarnissamut piumasaqaatinik eqquutitsinngitsut c), siuliani piumasaqaatit taaneqareersut eqquutsikkaluarlugit a) -d). Tassani inunnut atuuppoq – aapparisaannullu – Kalaallit Nunaata avataanni najugaqarallartunut:
- Inuit, pisortaqarfimmi sulisutut nunamut allamut suliartorlutik aallarsimasut, namminersortut suliffeqarfiutaanni imaluunniit naalagaaffiup iluani peqatigiiffimmi atorfeqartut.
- Inuit, nunami allami nunarsuaq tamakkerlugu suliniaqatigiiffiit ilaanni, Danmarkimit ilaasortaaffigineqartumi, atorfeqarnertik pissutigalugu najugarigallakkaminniittut.
- Naalagaaffimmi ikiuiniaqatigiiffik aqqutigalugu nunami allami suliartorlutik aallartitat.
- Inuit ilinniagaqarlutik Kalaallit Nunaata avataaniittut
- Inuit peqqinnissamut tunngasunik pissuteqarlutik Kalaallit Nunaata avataaniittut
- Inuit, nunani allaniittut, naalagaaffimmut atassuteqarnermik siunertaqartumik attuumassuteqartut inunnut nr. 1-5-mut taaneqartunut sanilliunneqassapput.
Katissimanatik inooqatigiittut aappariillutik inooqatigiittunut sanilliunneqassapput aallannginnerminni aappariinnermut assingusumik inooqatigiilersimagunik.
Kalaallit nunaanni aalajangersimasumik najugaqartuusimanngikkuit, kisiannili qulaani piumasaqaatit naammassisimallugit, taava taasisinnaatitaanerit attatiinnarniarlugu taasisinnaasut allattorsimaffiannut ilanngunneqarnissat qinnutigissavat. ’
Qinersisinnaasutut allatsinniaruit paasissutissat tulliuttut mailikkut uunga nassiutissavatit valg@Avannaata.gl
- Kinguliat atitillu
- Inuuiit, qaammat ukiorlu
- Kalaallit Nunaanni illoqarfik/nunaqarfik najugaqarfigisat kingulleq
- Massakkut najugaqarfigisat
- Nunami allamiikkallarnermut peqqutaasoq
Immersugassap nassiunneqarnissaanut periarfissaq kingulleq tassaavoq 25.10.2022 nal. 12.00.
Qinersisinnaatitaaneq pillugu paasisaqarnerorusukkuit Rigsombudsmanden i Grønlandip nittartagaani atuarnerusinnaavutit: