Kommunemiit maanna sulissutigineqarpoq narsarsuakkut qamuteralaat aqquteqalernissaata akuerineqarnissaa, tamatumanili pisariaqarpoq erngup katersuiviata killeqarfiata ilorpasinnerulersinneqarnissaa. Pilersaarut Naalakkersuisuniit akuerisaavoq kisiannili aqqutissaq suli pilersinneqarsimanani, tassa tatsit imeqarfiit nunap timaaniittut ruujorinik nutaanik aqqusersoqqaartussaammata.
Pingaartorujussuuvoq erngup katersuiviusup killeqarfiata ataqqineqarnissaa, tassami imermik pilersuineq mingutsinneqassangaluarpat annertuumik avatangiisitigut aningaasaqarnikkullu kingunerluuteqarujussuartussaammat
