Pikkorissaasartut aqutsisuat sapiitsoq ilisimasalerujussuaq kissalaartumillu uummatilik
2023-mi Upernaviup eqqaani nunaqarfiit arlallit imminortarnerup pinaveersaartinneqarnissaanut pikkorissaavigineqarput.
Iluatsilluaqisumik.
Pikkorissarneq kingulleq ingerlanneqarpoq ulluni 6. – 8. december Kangersuatsiami Upernaviup eqqaaniittumi. Tassani pikkorissartut 11-t pikkorissarnermut pitsaasumut qujaniuteqarlutik erinarsorlutillu qalipakkamik tunissuteqarsimapput. Tunniussineq oqaatsinik kusanartunik malitseqarpoq, pikkorssaasumut, pitsaaliuinermi siunnersortimut, Pele Kleemann-imut, Avannaata Kommunia-neersumut.
”Uummativit kissalaarnera malugisinnaavarput, qujallutalu, misigissutsit oqimaattut oqaloqatigiissutiginissaannut ikioratsigut” taama ilaatigut qujaniummi allassimasoqarpoq. Aammalumi sapiissusaa pikkorissusaalu nersualaarutigalugu.
Ulluni pingasuni pikkorissarnermi pikkorissartut sammisimavaat inunnik imminornissamik takussutissalinnut takunnilluarsinnaalernissaq taavalu oqaloqatigiinnernut oqimaatsunut sakkunik misileraallutik.
Qujanaq Pele–mut pikkorissartunullu
Aningaasaliisoq Pilersuisoq – Pikkorissarneq Paarisa (Isumaginninnermut naalakkersuisoqarfik) qanimut suleqatigalugu ingerlanneqarpoq. Inuit peqqissusaannut ilisimasaqarfik Avannaata Kommunia-lu.
Pikkorissarnermi peqataasut sammisani assigiinngitsuni peqataapput ataatsimullu eqimattakkaarluni oqallittoqarluni oqaluuserisassakkaarlugit. Pikkorissarnerlu sakkussanik aalajangersimasunik artornartunik oqaloqatiginnissinnaanermut pissarsiffiulluni.
”Pikkorissartunut qujamasuutigeqaara naak eqqartorneqartut oqimaakkaluaqisut, isummersimanerisa ingerlaqqinnissannut nukissamik tunimmannga,” oqarpoq Avannaata Kommunia-ni pitsaaliuinermut siunnersorti Pele Kleemann.
Pikkorissartut tamarmik pikkorissarneq naammassivaat uppernarsaammillu pissarsillutik.
Tunorliit:
Pele Gerth Svendsen -Qaatserisartuniik
Johan Jensen - Piniartut peqatigiit
Ludvig Knudsen - Pilersuisoq
Edvard Imm. Kristiansen - Nunaqarfinnik Aqutsisut
Axel Thorleifsen - Fritidsleder
Saarliit:
Adam Kristiansen - Nukissiorfiit
Samuel Knudsen - Kommunip allaffia
Benigne løvstrøm - Utoqqaat najungaqatigiit
Karoline Imm. Kristiansen - Atuarfik
Assimi peqataanngitsut:
Edvard Immanuelsen - Kommunefoged
Dorthe Rosing Kristiansen - Kommunip allaffia
