Ukioq manna aamma taamaappoq, tassami Avannataa Kommuniani tamarmi atuarfinni arlalinni matut ammarneqarput, aasaanerani sivisuumik atuanngiffeqareernerup kingorna.
Innaarsunni Ivalo Davidsen kisiartaalluni 1 klasse-mi atualeqqaarpoq. Atuarfik 18-nik atuartoqarpoq 1-9. klassemi atuartunik.
Kullorsuarmi 1 klassemi atualeqqaarput meeqqat arfineq pingasut, Qaanaamili meeqqat 18-it 1 klassemi atualeqqaarlutik.
Illoqarfinni nunaqarfinniluunniit atualeqqaartunik assiuteqaruit uunga nassiussisinnaavutit info@avannaata.gl – qilanaarpugut tusarfiginissarnut.
