Kalaallit Nunaanni Uumasut Nakorsaqarfia Inuussutissalerinermullu Oqartussaqarfik (UNIO) Ilulissani UNIO-meersumiit uumasut nakorsaannik najugaqavissumik 2024-mi oktober-imiit peqarunnaassaaq. Tamatumunnga patsisaavoq, maannakkut Ilulissani uumasut nakorsaat Danmarkimut nuuttussanngormat.
Qimminut qimuttunut ungasianit nakorsiartitsisarnermik neqeroorut, qimminik qimuttunik qimmeqarfimmi nakorsaataasivillit allat assigalugit maannakkutut Ilulissani ingerlatiinnarneqassaaq. Tamanna isumaqarpoq, UNIO-mi uumasut nakorsaannut isumaqatigiissuteqarnerup kingorna, qimmiutillit Ilulissat Napparsimmaviannut nakorsaatinik suli aallersinnaasut.
Qimminik qimuttunik ungasianit nakorsiartitsinermik aaqqissuussineq pillugu uani sukumiinersumik atuagaqarit: https://www.sullissivik.gl/Emner/E_Veteriaer_og_foedevaremyndigheden/Slaedehunde/Medicin-til-slaedehunde_Klon?sc_lang=kl-GL&segment=business
Qimmiutilittut Ilulissani uumasut nakorsaannit ikiorneqarnissamik pisariaqartitsigaanni tamanna qimminik qinuttunik qimmeqarfimmi qimmiutilittuulli allatut suli pissarsiarineqarsinnaavoq, tamanna UNIO-mi uumasut nakorsaannut nittartakkakkut maileq aqqutigalugu imaluunniit oqarasuaatikkut saaffiginnilluni pissaaq.
Uumasut nakorsaat e-mail uumasut@nanoq.gl imaluunniit oqarasuaat +299 34 50 00 aqqutigalugu attavigineqarsinnaapput.
Siunissami UNIO-mi uumasut nakorsaat qimminik qimuttunik qimmeqarfimmiittuni illoqarfinni assigiinngitsuni suli pissarsiarineqarsinnaasassapput, ukiumoortumik sulinerminnut atasumik angalanerini. UNIO-p paasissutissat pisariaqartut ingerlaavartumik ilisimatitsissutigisarumaarpai.