Imminut toquttarneq pillugu oqaluttuarpassuaqarpoq, inunnut imminornissamut aarlerinaatilinnut ikiuinissamik unitsitsisumik.
Taamaattumik Upernavimmi Peqqinneq Sunngiffiup ulluni pingasuni illoqarfimmi nunaqarfinnilu pikkorissaanissaminut aggersaavoq.
Pikkorissarnermi suna tamaat aqqusaarneqassooq, soorlu ersiutit suut maluginiarneqassanersut, imminut toqunnissamik eqqarsaateqartumut apeqqutinik qanoq ittunik inuk aperineqassanersoq, qanorlu iliuuseqartoqassanersoq.
Imminornissamik eqqarsaateqaruit, taava saaffiginnissinnaavutit uunga Paarisa Tel 80 18 80
Tassani takusinnaavatit Upernaviup eqqaani ullut pikkorissaaffissat – kiisalu pikkorissarnerup imarisaa atuarsinnaavat.
Qaaqqusissut:
”Imminut toquttarneq” pitsaaliuineq pillugu pikkorissartitsinermi sammineqartussat
Pikkorissarnerup imarisai: Isummernerit imminut toqutttarneq pillugu ilumoortut kukkusullu ilisimatusarnermit tunuliaquteqartut.
Isummernernik ilumoortunik kukkusunillu aamma kisitsisinik eqqartuineq. Imminortarneq pillugu isummernerit kukkusut amerlapput,
taakkulu imminornissamut aarlerinartorsiortunik ikiuinissamut ajoqusiisinnaapput.
Inatsisilerineq: Inatsisit saqqummiunneqassapput / eqqartorneqassapput.
Imminornissamik pilersaarutit pillugit ilisimasaqarnermut atatillugu sulisut pinerluttulerinermi inatsimmik ilisimanninnissaat pingaaruteqarluinnarpoq.
Imminortussatut pissusilersorneq: Tassa imminornermut, imminoriarnermut kiisalu imminornissamik eqqarsaateqarnerup oqaatiginninnerup ataatsimut taaguutaat.
Imminornerit imminoriarnerillu pitsaaliorsinnaajumallugit oqaatsini suut pineqarnersut ilisimassallugu pingaaruteqarpoq.
Aarlerinartoqarneranik naliliineq/ aarlerinartut qaffasissusaat
Imminortussatut pissusilersornermut atatillugu aalerinartoqartitsisinnaasut, illersuutaasinnaasut pissutaasinnaasullu eqqartornerat.
- Sulisut inuit aarlerinartorsiornerata qaffasissusaanik naliliisinnaalerniassammata pissutsit eqqartorneqassapput
- Imminornissamik eqqarsaateqarneq pillugu oqaloqateqarnissamut toqqammavissatut ilitsersuutit
- Pisuusaartitsineq / sungiusarneq (eqimattakkaarluni)
Imminornermik pinaveersaartitsilluni oqaloqateqarnerit
Imminornissamik eqqarsaateqarneq pillugu oqaloqateqarnissamut sakkussat pikkorissartunut saqqummiunneqassapput:
- Takussutissat suut eqqumaffigineqassappat – oqaatsitigut pissusilersornikkullu
- Qanoq aperisoqarsinnaava?
- Imminornermik pinaveersaartitsilluni oqaloqateqarnermut tunngaviusussat
- Pisuusaartitsineq (eqimattakkaarluni)
Ilaqutaasut qimagaasullu
Nassuiaatinik eqqartuineq
- Qisuariaatit
- Ilaqutaasunik qimagaasunillu oqaloqateqarnermi immikkut eqqumaffigisassat
Iliuusissatut pilersaarut innersuussutaasinnaasullu
Akuliunnissamut sunik periarfissaqarpa:
- Iliuusissatut pilersaarut – oqaloqateqarnermik malitteqartitsineq ilanngullugu
- Innersuussutaasinnaasut
Inussiarnermik.
Pele Kleemann, Peqqinneq Sunngiffimmi Upernavik