Avannaata Kommuunia aalisarnikkut suliffeqarfimmit Halibut Greenland ApS-mit piujuaannartitsinikkut aalisarnermut tunisassiornerup inerisaqqinneqarnissaanut suliniummut qinnuteqaammik tigusaqarsimavoq, tassanilu immikkoortortap B2.1-ip nutaanik sanaartorfissaliinikkut nutarterneqarnissaa siunertarineqarpoq.
Kommunemut pilersaarummut tapiliussaq nr. 57 piffissami 15.11.2024-miit 27.12.2024-mut tamanatu tusarniutigineqarpoq.
Kommunimut pilersaarummut tapiliussaq uani link-imi atuarneqarsinnaavoq: bit.ly/B02forslag
Kommunip pilersaarutaata tapiata siunertaa
Kommuunimut pilersaarummut ilassuteqaat nr. 57 immikkoortortami B2.1-imi illutassanik pilersitsinissap periarfissaasinnaanissaanut pisariaqartinneqartunik sanaartorfissanik nutaanik saqqummiussivoq.
Sanaartorfissat nutaat qinnuteqartumut Halibut Greenland ApS-imut inniminnigaassapput, matumani suliffeqarfiup ataqatigiittumik pitsaasumillu tunisassiorfeqarsinnaanini qulakkeersinnaaniassammagu.
Kommune-p pilersaarutaanut ilassummut siunnersuut sap.ak. 6-ni tusarniutigineqassooq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: https://kommuneplania.avannaata.gl/tusarniaanerit-hoeringer/tusarniaanermut-akissut/ imalt. Mailikkut uunga: Plan@avannaata.gl . Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 27.12.2024.