Illuikkiap nalaani najugaqarfik, Uummannaq. Kommunimut pilersaarummut tapiliussaq nr. 56.
Uummannami inissianik attartortittakkanik sisamanik sanaartornissamut akuersissummik Namminersorlutik Oqartussat qinnuteqarsimapput.
Illoqarfimmi inissianik neqerooruteqarnerup nalinginnaasumik pitsaanerulernissaa Avannaata Kommuniata kissaatigaa. Taamaattumik kommunimut pilersaarummut tapiliussami matumani ilaatigut inissiat qinnutigineqartut sanaartornissaannut periarfissiinissaq kissaatigineqarpoq.
Nutaamik sanaartornissaq inissianullu attartortitassanut siunertanut aaqqissuunnissai pisinnaatilerlugu illuliorfissaq nutaaq pillugu aalajangersakkanik sukumiisumik aalajangersaanissamut siunnersuut nutaaq.
Kommunip pilersaarutaanut tapiut nr. 56-mut siunnersuut piffissami 09.12.2024 -miit 20.01.2025-mut tamanut tusarniutigineqarpoq.
Kommunimut pilersaarummut tapiliussaq uani link-imi atuarneqarsinnaavoq: bit.ly/UUM_A12
Kommunip pilersaarutaata tapiata siunertaa
Kommunimut pilersaarummut tapiliussap matuma siunertaa tassaavoq inissianik amerlanerusunik illuliornissamut periarfissiinissamut immikkoortup ilaani A12.1-imi illuliorfissanik nutaanik immikkoortitsinissaq. Inissianut attartortittakkanut illuliorfissat Namminersorlutik Oqartussaniit qinnuteqartoqarneratigut pisortat inissiaataannut naatsorsuussaapput.
Tamatuma saniatigut siunertaq tassaavoq illuliorfissatut kissaatigineqartumiit maannakkut pinnguartarfiup sumiiffimmi A12.1-imi nutaamik inissiffimmi allamut inissinneqarnissaa, taamaalilluni taanna aamma meeqqanut tulluarnerusumut inissinneqarluni
Kommune-p pilersaarutaanut ilassummut siunnersuut sap.ak. 6-ni tusarniutigineqassooq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.
Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/gl/tusarniaanermut/tusarniaanermut/ imalt. Mailikkut uunga: Plan@avannaata.gl . Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 20. januar 2025.
Kommunimut pilersaarummut tapiliussatut siunnersuut Teknikimut Ataatsimiititaliami akuerineqarnikuuvoq ulloq 6.12.2024
