Ilulissani eqqaavissuup qanittuani, Immikkoortoq B04-imi umiatsianut inissiisarfimmi malittarisassat suliarineqarput umiatsianut inissiisarfik illersorneqarsinnaasumik ingerlanneqarnissaanik kissaateqarneq tunngavigalugu.
Immikkoortumi 1200-B04-mi umiatsianut kommunip inissiisarfiani malittarisassanut siunnersuutit tamanut ammasumik tusarniaassutigineqarput piffissami 12.12.2024-imiit 09.01.2025 ilanngullugu.
Kommunip umiatsianut inissiisarfiutaani immikkoortoq 1200-B04-mi malittarisassat: bit.ly/bådeB04forslag
Malittarisassap siunertaa
Sumiiffimmi pineqartumi umiatsianik inissiisarneq illersorneqarsinnaasumik pisinnaaniassammat malittarisassanik suliaqartoqarpoq. Taamaaliornikkut pinngitsoortinniarneqassapput unammillernartut, soorlu kommunimi sumiiffinni arlalinni takuneqartartoq, piginnittut umiatsiamik eqqaani torersuutitsinissamik piumasaqaammik naammassinnittaratik, atuisunut allanut akornutaasumik.
Malittarisassamut siunnersuut sap.ak. 4-ni tusarniutigineqarpoq. Piffissamilu tassani kikkulluunniit – innuttaasut, suliffeqarfiit, atorfeqarfiit, peqatigiiffiit il.il. – saqqummius-sinnaavaat maalaarutit, oqaaseqaatit aammalu allannguinissamut siunnersuutit.
Tusarniutaasumut akissutit kommunep nittartagaanut toqqaannartumik nassiussinnaavat uunga: http://kommuneplania.avannaata.gl/gl/tusarniaanermut/tusarniaanermut/ imalt. Mailikkut uunga: Plan@avannaata.gl. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.
Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 09.01.2025.