Qaanaami meeqqat ornittagaqaleqqipput, unnukkut ornissinnaasaminnik.
Maannakkut meeqqat unnukkut nakkutigineqartumik ornissinnaasaminnik sumiiffissaqanngillat. Taamaattumillu timersortarfik isersimaarfittut imaluunniit pinnguarfittut atortarlugu, timersortarfimmi atuisut akornusersorlugit.
Juniorklub-i illumi maannakkut atuareernermi ornittakkamiissooq.
Klubbi februar 2025 ammarneqassaaq.
Qaanaami ornittakkamik ammaaqqinnissamik aalajangerneq kommunalbestyrelse-p u. 22. November 2024 ataatsimiinnerani pivoq. Siunnersuut kommunalbestyrelse-mi ilaasortamit Ane Qujaukitsoq (S)-mik siunersuutigineqarsimavoq.
Kommunalbestyrelse-p ataatsimiinnerani imaqarniliaq uani nassaarisinnaavat: Oqaluuserisassat imaqarniliallu
Juniorklub-ip ammaqqinnera naatsorsuutigineqarpoq ukiumut 350.000-inik aningaasartuuteqarfiussasoq aningaasallu Avannaata Kommuniata missingersuutaani 2025-moortumi immikkoortinneqareersimallutik.