2025-imi aningaasat koruunit 122 millionit Avannaata Kommuniani sanaartugassanut arlalippassuarnut immikkoortinneqarput.
Sanaartugassat ilaatigut makkuupput, puttasut, talittarfiit, ulluunerani ornittakkat, innarluutillit illuat, illut sulliviit, kiisalu sanaartugassatut pilersaarusiugassat aallartisarneqarneri, assersuutigalugu nipilersornermik ilinniarfik inersuillu siunertanut assigiinngitsunut atorneqarsinnaasut.
2025-imi sanaartornermut aningaasartuutissat annertupput ukiut siuliinut sanilliullugit, tamatumunngalu ilaatigut pissutaavoq, sanaartukkat ilaat angisuut ukiuni arlalinni ingerlanneqarmata, assersuutigalugu illoqarfinni nunaqarfinnilu eqqagassalerinermut tunngatillugu pilersaarut ukiuni arlalinni ingerlasussaq.
Najukkami oqartussaaqataaneq
Avannaata Kommuniani 2025-imi sanaartugassanut missingersuutit ilaat sumiiffinnut aalajangersimasunut immikkoortinneqarput. Tamanna pisarpoq kommunimi nunap immikkoortortaani inoqqortussuseq aallaavigalugu aningaasanik agguataarisoqartarneratigut. Tamanna pereeraagat, taava nunap immikkoortortaani ataasiakkaani najukkani politikkikkut suleqatigiissitat sanaartugassanik kissaatigineqartunik pingaarnersiuisarput.
Tassalu ukioq manna pingajussaa, taamatut periaaseqarluni kommunip iluani sumiiffikkaartumik aningaasanik atorneqarsinnaasunik pingaarnersuisoqarpoq.
”Aaqqissuussineq taamaattoq, kommunalbestyrelsimi atulersimasarput, tulluusimaarutingaara. Malunnarpoq taamatut periaaseqarnerup malitsigisaanik najukkani oqartussaaqataaneq najukkanilu inuussutissarsiuteqarneq nukittorsarneqartut. Maanna ukiut tamaasa najukkani sanaartornermik suliaqartut naatsorsuutigisinnaalerpaat najukkaminni sanaartugassaqassasoq, suliariumallugit neqeroorusiorfigisinnaasaminnik,” taama oqarpoq Avannaata Kommuniani borgmesteri, Palle Jerimiassen.
Sanaartugassanut missingersuut kommunalbestyrelsip 2024-imi novembarimi ileqquusumik ataatsimiinnerani akuerineqarpoq.
Matuma ataani takusinnaavatit sumiiffikkaartumik agguataarlugit sanaartugassat, 2025-imi aallartinneqartussat:
|
Sanaartugassat 2025 |
Katillugit (1.000 kr.) |
Taakkunannga sanaartugassat najukkani salliutinneqartut (1.000 kr.) |
|
Inerisaaneq ilinniartitaanerlu |
28.065 |
5.865 |
|
Inuussutissarsiutit |
9.910 |
2.150 |
|
Inunnik isumaginninneq |
18.500 |
500 |
|
Teknikkeqarneq avatangiisillu |
24.640 |
12.700 |
|
Sunngiffik kulturilu |
10.760 |
7.260 |
|
Atortulersuutit |
7.440 |
4.152 |
|
Pilersuineq |
13.200 |
13.200 |
|
Upalungaarsimaneq |
1.500 |
1.500 |
|
Nunanut allanut tunngasut |
0 |
0 |
|
Allaffissorneq |
8.600 |
8.600 |
|
Sanaartugassanut aningaasaliissutit katillugit |
122,615 mio. kr. |
55,927 mio. kr. |
Geografisk er anlægsudgifterne i Avannaata Kommunia fordelt sådan:
Ilulissat – 11,9 mio. kr.
Atuarfimmik iluarsaassineq, Oqaatsut
Sanaartorfissagissaaneq, Ilulissat Kujataa
Talittarfeqarneq, Ilulissat
Illorsuup siunertanut assigiinngitsunut atorneqarsinnaasup pilersaarusiornera, Ilulissat
Nipilersornermik ilinniarfik, pilersaarusiorneq, Ilulissat
Nunagissaaneq, Qinngunnguit
Uummannaq – 11,5 mio. kr
Kuuffissuarnik iluarsaassineq, Uummannaq
Ilinniartitsisup illua, Ikerasak, aamma Uummannaq
Illu assigiinngitsunut atugassaq, Ukkusissat, illup qalia
Iliveqarfik, Uummannaq
Qatserutaasivik, Uummannaq
Illu Sullivik, Niaqornat
Illu Sullivik, Qaarsut
Ikaartarfik, Qaarsut
Talittarfik, Uummannaq
Upernavik – 11,7 mio. kr.
Ilinniartitsisup illussai marluk, Upernavik
Iliveqarfik, Upernavik
Ilinniartitsisup illussaa, Innaarsuit
Arsaattarfiup ungaluukkernera, Upernavik
Eqqakkanut aallarussassanut tigooqqaavik, Upernavik
Illu Sullivik, Kangersuatsiaq
Erngup aqqutai, Upernavik aamma Nuussuaq
Puttasut, Upernaviup nunaqarfiini
Inuusuttunut inissiat, Tasiusaq
Ornittagaq, Upernavik Kujalleq
Qaanaaq – 4,6 mio. kr.
Atuarfik
Innarluutillit illuat
Timersortarfik
Ataatsimoorussat – 16,3 mio. kr.
Kommunip illuutai, pinngitsooratik iluarsaanneqartariaqalersimasut
Pilersaarusiukkamik aserfallatsaaliuineq
Qamutit assakaasullit, pisineq iluarsaassinerlu
Aqqusinernik pitsanngorsaaneq, nunaqarfiit
Qatserutaasiveeqqat
Asfaltilersuineq
2025-imi pilersaarutit pillugit annertunerusumik paasisaqarusukkuit kommunalbestyrelsip ataatsimiissutai alakkarteriffigisinnaavatit Dagsorden og referater (avannaata.gl)
Sanaartugassanut aningaasaliissutit ilaat 2025-imi atorneqanngitsuussangaluarpata, sipporuttut Avannaata Kommuniani Sanaartornermut iluarsaassinissamullu aningaasaateqarfianut ikineqassapput, kingusinnerusukkut atugassanngorlugit.