Ulloq piffissarlu
Ilagiit Sinniisaannut qinersineq ingerlanneqassooq marlunngorneq ulloq 1. april piffissami 9:00-imiit 20:00 tungaanut.
Ilagiit Sinniisaasa amerlassusaat
Sumiiffinni assingiinngittuni Ilagiit Sinniisaasa amerlassusaat assingiittanngillat, ataani amerlassutsit takuneqarsinnaapput.
|
Ilulissat eqqaa Ilulissat, ilaasortat 5 Ilimanaq, ilaasortat 3 Oqaatsut, ilaasortat 3 Saqqaq, ilaasortat 4 Qeqertaq, ilaasortat 4
|
Qaanaap eqqaa Qaanaaq, ilaasortat 4 Savissivik, ilaasortat 3 Siorapaluk, ilaasortat 3
|
|
Upernaviup eqaa Upernavik, ilaasortat 5 Upernavik Kujalleq, ilaasortat 4 Kangersuatsiaq, ilaasortat 3 Aappilattoq, ilaasortat 4 Naajaat, ilaasortat 3 Innaarsuit, ilaasortat 3 Tasiusaq, ilaasortat 4 Nutaarmiut, ilaasortat 3 Nuussuaq, ilaasortat 4 Kullorsuaq, ilaasortat 3 |
Uummannap eqqaa Uummannaq, ilaasortat 5 Niaqornat, ilaasortat 3 Qaarsut, ilaasortat 3 Ikerasak, ilaasortat 4 Saattut, ilaasortat 3 Ukkusissat, ilaasortat 3
|
Qinersisinnaatitaaneq
Kikkulluunniit kommunalbestyrelsimut qinersisinnaasut ilagiinnullu ilaasortaasut, qinersisinnaapput.
Qineqqusaartut
Kikkulluunniit qinigassanngortinniartut, qineqqusaarfigisassaminni Ilagiinnut ilaasortat akornanni atsiornernik tallimanik peqartussaapput.
Qineqqusaarnissamut nalunaarfissaq kingulleq
Innuttaasoq kinaluunnit qineqqusaarniartoq kingusinnerpaamik sapaatit akunneri sisamat qinersinissaq sioqqullungu sumiiffingisami allaffimmut nalunaaruteqartussaavoq, imaappoq marlunngorneq
ulloq 4. marts 2025 nalunaaqutaq 12:00 kingusinnerpaamik.
Qinersinerit sumi ingerlanneqarnissaat qinersinermilu ingerlatsisussat
Sumiiffinni assingiinngittuni innuttaasunut nalunaarutingineqartussaavoq sumi qinersinerit ingerlanneqassanersut, tamanna ilanngussami takuneqarsinnaavoq. Taamatuttaaq sumiiffinni assingiinngittuni qinersinerup ingerlanneqarneranut akisussaasuusussat ersarissarneqarput.
Qinigaasinnaaneq
Kommunalbestyrelsimut qinigaasinnaatitaavoq kinaluunniit §1 imaluunniit §2 naapertorlugit tassunga qinersisinnaatitaasoq, pineqartoq ukiut kingulliit tallimat ingerlaneranni inaarutaasumik eqqartuussinikkut akiliisitsissutissamilluunniit akuersinikkut pinerluttulerinermi inatsisit tunngavigalugit pineqaatissinneqarsimanngikkuni imaluunniit ukiut kingulliit pingasut ingerlaneranni pissutsimut nalinginnaasumik isigineqarnermi kommunalbestyrelsimut ilaasortaanissamut naleqqukkunnaarsitsisumik pinerluttulerinermi inatsisit tunngavigalugit pineqaatissinneqarsimanngikkuni. Piffissaliussat ullormit qinersivimmiit atuutissapput.
