Kommuuninut Namminersorlutillu Oqartussanut akiligassat allagartaat digitaliusut pillugit paasisssutissaq.
𝐀𝐤𝐢𝐥𝐢𝐠𝐚𝐬𝐬𝐚𝐭 𝐚𝐥𝐥𝐚𝐠𝐚𝐫𝐭𝐚𝐚𝐧𝐧𝐮𝐭 𝐝𝐢𝐠𝐢𝐭𝐚𝐥𝐢𝐮𝐬𝐮𝐧𝐮𝐭 𝐩𝐢𝐮𝐦𝐚𝐬𝐚𝐪𝐚𝐚𝐭𝐢𝐭
Marts-p aallaqqaataa 2025 aallarnerfigalugu Avannaata Kommuniata pisiniartarfigisai tamarmik akiligassat allagartaannik digitaliusunik OIOUBL-format atorlugu nassiussisalissapput.
Taamatut aaqqissuussineq pisortat aningaasatigut aqutsinerannut atatillugu pisariillisaatit ilagivaat, digitalimillu atuinerup annertusarneranik siunertaqartoq.
𝐏𝐢𝐬𝐮𝐬𝐬𝐚𝐚𝐭𝐢𝐭𝐚𝐚𝐧𝐧𝐠𝐢𝐧𝐧𝐢𝐬𝐬𝐚𝐦𝐮𝐭 𝐚𝐧𝐢𝐧𝐠𝐚𝐚𝐬𝐚𝐩 𝐪𝐮𝐦𝐦𝐮𝐭 𝐤𝐢𝐥𝐥𝐢𝐧𝐠𝐚
Pisiniartarfiit Avannaata Kommunianut niueqateqarnerminni ukiumut 50.000 kr.-it ataallugit kaaviiaartitallit pisiniarfigineqartartut, akiligassat allagartaannik digitaliusunik OIOUBL-format-inik atuinissaminnik pinngitsaalineqanngillat.
Pisiniartarfiit tamakku manna tikillugu akiligassat allagartaannik PDF-format-inik nassiussisarnertik ingerlatiinnarsinnaavaat.
Pisiniartarfiit ukiumut 50.000 kr.-inik sinnerluguluunniit kaaviaartitallit pisiniarfigineqartartut akiligassat allagartaannik digitaliusunik OIOUBL-format-inik NemHandel aqqutigalugu pinngitsooratik nassiussisalissapput.
Pisiniartarfigut tamaasa kaammattorpagut, piaarnerpaamik OIOUBL-format-imik atuileqqullugit, akiligassat piaarnerusumik akilerneqartanissaat akiligassallu allagartaasa suliarineqarnerisa oqinnerulernissaat siunertaralugu.
𝐀𝐤𝐢𝐥𝐢𝐢𝐬𝐨𝐪𝐚𝐫𝐧𝐢𝐬𝐬𝐚𝐚𝐧𝐮𝐭 𝐩𝐢𝐮𝐦𝐚𝐬𝐚𝐪𝐚𝐚𝐭𝐢𝐭
Akiligassat elektroniskimut ikaartinnissaat pisariillisarniarlugu Avannaata Kommuniani akiliiffissatut piumasaqaatit imatut siunnerfigineqarput.
1. Akiligassaliat pappilissat: Akiliisoqarnissaanut piumasaqaammi ullut 60-sit, akiliineq pissaaq ullut 60-sit iluanni.
2. Elektroniskimik akiligassaliat (OIOUBL-format): akiliisoqarnissaanut piumasaqaammi ullut 30-sit, akiliineq pissaaq ullut 30-sit iluanni
𝐈𝐥𝐢𝐭𝐬𝐞𝐫𝐬𝐮𝐢𝐧𝐞𝐪 𝐬𝐮𝐥𝐥𝐢𝐬𝐬𝐢𝐧𝐞𝐫𝐥𝐮
Aningaasaqarnermut Sulisoqarnermullu Aqutsisoqarfiup neqeroorutigaa ilitsersuineq pisiniartarfinnut pisariaqartitsisunut, akiligassat allagartaannik digitaliusunik atuilernissamut. Teknikkikkut sullissineq, teknikkikkut nassuiaatit il.il., inussiarnersumik takoqqussavarput 𝐰𝐰𝐰.𝐢𝐧𝐮𝐬𝐬𝐮𝐤-𝐢𝐭.𝐠𝐥/𝐠𝐥𝐧 imaluunniit Inussuk-IT attavigiuk ugguuna 𝐬𝐮𝐩𝐩𝐨𝐫𝐭@𝐢𝐧𝐮𝐬𝐬𝐮𝐤-𝐢𝐭.𝐠𝐥
Digitalimik akiligassiisarneq pillugu piumasaqaatit annertunerusumik paasisaqarfigerusukkukkit una nassaarisinnaavat: Digitalimik Akiligassiisarneq pillugu Naalakkersuisut nalunaarutaat nr. 44, 11. novembari 2024-imeersoq.
Avannaata Kommuniata pisiniartarfiit tamaasa qutsavigai digitalimik ineriartorneq manna pillugu tapersersuinerannut. Qilanaarpugut siunissami suleqatigiinnitta suli pisariinnerulernissaanut.
