Taamaammat nunarsuaq tamakkerlugu anguniakkat politikkikkut suliniuteqarnerit pingaarnersiornissaannut atortarpagut, aamma kommuni akimorlugu nunarsuarmilu ingerlavik ataaseq ingerlaarfigineqarnissaa Avannaata Kommunianit isumannaarneqartarpoq. Akisussaassuseqartumik takornarialerineq suliassaqarfiuvoq pingaarutilik.
Takornariaqarneruleriartornera imarpik qulaallugu mittarfittaassap 2026-mi ammarpat annertunerulernissaa naatsorsuutigineqarpoq, tamannalu kommunimi innuttaasut tamarmik atugarissaarnerannut iluaqutaasussaavoq.
-Pinngortitarsuarput nalissaqanngitsoq pingaarnertut pilerisaarutigisarparput, aamma innuttaasunut takornarissanullu annertuumik naleqarpoq borgmester Palle Jerimiassen oqarpoq. Taamaammat aamma kommunip talittarnissamut pilersaarutit ataqatigiissarneqarneri pitsaanerusut ujartorpai, najukkami inuiaqatigiit inissaqartitsisinnaanerat eqqarsaatiginiarlugu.
-Kommunalbestyrelsimit pingaarnertut suliniutigineqarpoq takornariaqarneq inuiaqatigiinnut tamanut iluaqutaanissaa, taamaammat aamma takornariaqartarnermut piffissap sivitsornissaa eqqarsaatigaarput, sumiiffimmilu suliaqartartut workshop-ertitsiffigalugit aamma takornariarqartarnermut piffissap sivitsornissaanut piareersarlugit ikiorusuppagut borgmester Palle Jerimiassen oqarpoq.
Avannaata Kommuniata sulissutigaa assartuisartut, sullissisut sumiiffimmilu takornarissanik suliaqartartut pitsaanerusumik ineriartortitsiffiusumillu suleqatigilernissaat.
Sumiiffimmi sulisut tapersersorneqarput
Sumiiffimmi suliffeqarfik suliffeqarfiuvoq kommunimi inissisimasoq.
-Sumiiffimmi ingerlatsisugut tulluusimaarutigaagut aamma tapersersorpagut. Taamaammat aamma kissaatigaarput avataaniit ingerlatsisut, assartuisartut sullissisullu uagut sumiiffimmi suliffeqarfinnik atuinissamut piumasaqaatitsinnut nalimmassassasut, borgmester Palle Jerimiassen oqarpoq.
-Pinngortitaq artukkinngikkaluarlugu tikikkuminarnerulernissaa isiginiassavarput. Pinngortitaq nerisaqarfigaarput, erlinnartuutigaarput, taamaammat aamma paarilluarnerussavarput, kommunimilu innuttaasunut tamanut isumalluutitut iluaqutaasussatut atussallutigu, Palle Jerimiassen oqarpoq.
Avannaata Kommuniani "misigisassarsiorluni takornariaq" orniginartinneqarneruvoq, taanna pinngortitamik piorsarsimassutsimillu misigisaqariartorluni asiliartunut peqataasarpoq, angalanissaminullu anguniakkani sumiiffimmilu inuit najugaqartut immikkut eqqarsaatigisarlugit. Taamaammat kommunip takornariaqarnerup ineriartortinnissaanut sinaakkusersuinerit pitsaasut piujuaannartitsinissamik siunertaqartut ujartorpai.
Avannaata Kommuniata pilersaarusiornermut periusissiaa nutartigaq uani atuarsinnaavat
