Partiit sisamat kiisalu qinigassanngortittut katillutik 68-it sinnerlugit Avannaata Kommuniani nunaqarfinnut siulersuisunut qinersinissami sassarput.
Qinersinermi siulersuisut ullumi nunaqarfiit siulersuisuinut qinigassanngortissinnaasut 68-iugallartut qinigassanngortinnissaat akuersissutigaat, taama oqarpoq Palle Jerimiassen, Avannaata Kommuniani qinersinermut siulersuisuni siulittaasoq.
Pingaarutilimmik paasissutissiineq Tasiusap, Nutaarmiut aamma Savissiviup qinersivii pillugit
Qinersivimmi ”Nutaarmiuni Tasiusamilu” qinigassanngortittut ikippallaarnerat peqqutigalugu nunaqarfiit aqutsisuinut qinigassanngortinnissamut piffissaliussaq marsip 25-anut 2025 nal. 12:00-mut sivitsorneqarpoq.
”Savissiviup” qinersiviani qinigassanngortinnermut atatillugu aaqqissuussinermi kukkusoqarsimanera iluarsiniarlugu allattoqarfiup qinigassanngortittut suleqatigalugit suliaraat.
Nunaqarfiit siulersuisuinut qinersinissami partiit sisamat saniatigullu immikkut qinigassanngortittut sisamat katillugit 68-inik (massakkumuugallartoq) qinigassanngortitaqarput.
* Atassut sinnerlugu qinigassanngortittut marluupput,
* Inuit Ataqatigiit sinnerlugu arfineq pingasut,
* Naleraq sinnerlugu 22-it,
* Siumut sinnerlugu 36-it,
* inuttut kisimiillutik qinigassanngortittut sisamaapput.
Nunaqarfiit siulersuisuinut qinigassanngortittut allattorsimaffigigallagaat uani aaneqarsinnaavoq:
