Ilinniarneq Upernavimmi qatserutaasivimmi ingerlanneqarpoq, atuangarsorluni paasisassat sungiusarnerillu akuleriisillugit. Assersuutigalugu qatserisartut ikiueqqaarnermut pikkorissarneq sakkortusisaq peqataaffiginikuuaat maannalu umiarsualivimmi pumpit slangellu atorlugit sungiusarlutik.
Qatserisartut nunaqarfinninngaaneerput Nuussuarmit, Tasiusamit, Innaarsunnit, Naajaanit, Kangersuatsiamit, Upernavik Kujallermit aamma Upernavimmit.
Tunngaviusumik ilinniartitaaneq ingerlatereerunikkut Funktionsuddannelse Ilulissani ingerlaqqiffigisinnaavaat, tamannalu Avannaata Kommuniani neqeroorutigineqartarpoq. Uani atuaruk.
Qatserisartunut aqqaneq marlunnut ilinniartunut ilitsersuisunullu qujanaq.