Tamanut nalunaarut – Kommunimut pilersaarummut tapiliussaq nr. 54 QNQ1700-D05 ”Nunaminertaq sukisaarsaartarfik qimmiliveqarfigeqqusaanngitsoq”, Qaanaaq, inaarutaasumik akuerineqarpoq.
Kommunimut pilersaarummut tapiliussaq matumuuna tamanut nalunaarutigineqarpoq 19.02.2025, ullormit tassannga inatsisitigut atuutilissalluni. Kommunimut pilersaarummut tapiliussaq nr. 54 atuarneqarsinnaavoq una toorlugu:
Kommunimut pilersaarummut tapiliussaq nr. 54
Kommunimut pilersaarummut tapiliussap siunertaa
Kommunimut pilersaarummut tapiliussaq nr. 54 Qaanaami Najukkami ataatsimiititaliap kissaataa tunngavigalugu, nunaminertamik qimmiliveqarfiunngitsumik siunnersuuteqarnissa pillugu. Matumani siunertaavoq nunaminertamik qimmiliveqarfiunngitsumik pilersitsinissaq, innuttaasut eqalunniarfigisinnaasaat imaluunniit pinngortitami sineriammi sukisaarsaarfigisinnaasaat. Nunaminertami tamaani pineqartumi inuppassuit eqalunniartarput pinngortitarlu sineriammiittoq sukisaarsaarfigisarlugu. Nunaminertap qimmiliveqarfigineqarsinnaajunnaarsinneratigut qimminit akornusersorneqarani eqqissilluni aalisartoqarsinnaanngorpoq eqalunniarluni tamaani uumasuusunik.
Kommunimut pilersaarummut tapiliussaq sapaatip akunnerini arfinilinni tusarniaassutigineqarpoq, piffissmai tassani innuttaasu, suliffeqarfiit il.il. akerliliinissamut, oqaaseqaateqarnissamut allannguutisatulluunniit siunnersuuteqarnissamut periarfissaqarnikuullutik.
Attaveqarfissaq
Teknikkikkut Ingerlatsivik/Pilersaarusiornermut immikkoortortaqarfik attavigineqarsinnaavoq una mail atorlugu: plania@avannaata.gl
