Kommunimut pilersaarummut tapiliussaq nr. 61-imut siunnersuut, Inissiaqarfik Jørgen Guldager Aqq. eqqaaniittoq, Ilulissat
Ilulissani napparsimaveqarfik nakorsiariartorlutik suliartorlutillu tikittartut inissaannik amigaateqarpoq. Taamaattumik kommunimut pilersaarummut tapiliussaq nutaamut siunnersuummi peqqissaasut inissiaat Edvard Sivertsen-ip aqqusernaniittut imaqanngittut ullumikkumullu naleqqutinngitsut isaternissaat periarfissaalissaaq, kingornalu quleriiaanik sanaartortoqarluni, pingaarnertut Nammarsimaveqarfiup unnuisarfissaatut.
Kommunimut pilersaarummut tapiliussami nutartikkami immikkoortup ilaani A10.2-mi periarfissanik nutaanik kisimi saqqummiussissaaq. Immikkoortup ilaa A10.1 'Blokkit qernertut' Jørgen Guldager Aqqutaa-niittoq allannguuteqassanngilaq.
Kommunimut pilersaarummut tapiliussaq nr. 61, ILU1200-A10-mut siunnersuut piffissami uani tamanut tusarniutigineqarluni saqqummiunneqarpoq: 03.04.2025-miit 15.05.2025 ilanngullugu.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 15.05.2025
Kommunimut pilersaarummut tapiliussatut siunnersuut nr. 61
Kommunimut pilersaarummut tapiliussap siunertaa
Kommunimut pilersaarummut tapiliussami sanaartorfissat nutaat inissinneqassapput, atorneqalissappatalu sanaartukkat pioreersut isaterneqarnissaat siunertaavoq illoqarfiup nutarsarneqarnissaa Edvard Sivertsen-ip Aqqusernani inissisimasussat pisinnaalersinniarlugit.
B-125-mi sanaartugaq pioreersoq kommunimut pilersaarummut tapiliussami uani isaterneqarnissaa naatsorsuutigineqarpoq, piffimmi tassani quleriinnik sanaartukkanik sanasoqarnissaa periarfissinniarlugu. Sanaartorfiup inissisimaffia annertussusaalu annikitsumik allanngortinneqassapput. Sanaartorfissami nutaami inissiat quleriit pingasut sananeqarsinnaalernissaat akuersissutigineqassaaq.
Kommunimut pilersaarummut tapiliussatut siunnersuut sapaatip akunnerini arfinilinni tusarniutigineqassaaq. Piffissami tassani kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il. - akerliullutik nalunaaruteqarsinnaapput, oqaaseqarsinnaapput aamma allannguutissatut siunnersuuteqarsinnaapput.
Tusarniaanermut akissutit kommunip nittartagaa aqqutigalugu toqqaannaq allassinnaavat (https://kommuneplania.avannaata.gl/tusarniaanerit-hoeringer/tusarniaanermut-akissut/) imaluunniit e-mailerlutit uunga Plan@avannaata.gl. Akissuteqaatit aamma sumiiffigisanni Sullissivimmut imaluunniit kommunerisannut tunniussinnaavat.
Tamanut saqqummisitsinerup kingorna kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai tamatumalu kingorna siunnersuut inaarutaasumik akuerineqassalluni.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 15.05.2025
