Ilulissani sanaartornermut periarfissat nutaat
Kommunimut pilersaarummut tapiliussaq nr. 31, ilulissani qitiusoqarfik nutaaq, akuersissutigineqarpoq.
30. april 2025 Ullormit tassannga sanaartorfissat sanaartorfigiumallugit qinnutigineqarsinnaapput.
Matumuuna nalunaarutigineqarpoq sanaartorfissanut nutaanut atorneqanngitsunut sisamanut nunaminertamik atugassamik qinnuteqartoqarsinnaasoq:
Sanaartorfissaq nr. 1, 2, 3, 4 illut immikkoortut quleriit tallimat tikillugit ikinnerpaamillu 80 %-ii inissiaassapput, Kommunalbestyrelsip aalajangersagaa §5.2 naapertorlugu Sanaartorfissat nutaat, nunaminertat illuliorfissat aamma peqatigiiffiit siunertaannut atorneqartussat, suli inuttassaqanngitsut, nittarsaassisutigineqartarput sivikinnerpaamik Sapaatip akunneri arfinillit.
Nunaminertamik inniminniinissamut qinnuteqaat Nunaminertalerisunut nassiunneqassaaq, Teknikkeqarfik, Noah Mølgårdip aqq. 9, Postboks 1023, 3952 Ilulissat, imaluunniit elektroniskimik ugguuna https://www.nunagis.gl/arealans%C3%B8gning imaluunniit mailikkut uunga: areal@avannaata.gl.
Tunuliaqutaq
Kommunimut pilersaarummut tapiliussaq tamanut ammasumik nalunaarutigineqarpoq 30.04.2025, ullormillu tassannga kommunimut pilersaarummut tapiliussaq inatsisitigut atortussanngortinneqarluni.
Hafnarfjordur-ip Aqq. kommunimut pilersaarummut tapiliussami uani Nammaarfiup aamma Qoororsuup Aqq. akornanni qitiusoqarfimmik nutaamik pilersitsisoqassaaq, immikkoortut pioreersut pingasut ilaanik ataatsimoortitsinikkut.
Immikkoortup ilaata pingaarnertut siunertarivaa inissianik nutaanik periarfissiinissaq, Ilulissani inissianik pisariaqartitsineq annertoorujussuummat. Illunut immikkoortunut sisamanut nutaanut sanaartorfissat aalajangersarneqassapput, inissiatut siunertaat pingaartillugu. Illut immikkoortut tassaapput illut allanut attuumanngitsut, quleriit arlallit, inissiat amerlasuut, aamma quleriit allersaanni inuussutissarsiorfittut pilersitsiviunissaa periarfissaasarpoq.
Kommunimut pilersaarummut tapiliussaq uani atuarneqarsinnaavoq.
Apeqqutissaqaruit pilersaarusiornermut immikkoortortaqarfik attavigisinnaavat. Pilersaarusiornermut immikkoortortaqarfik uunga attavigineqarsinnaavoq Plan@avannaata.gl.
Sanaartorfissat suli atugassiissutigineqanngitsut
Matumuuna nalunaarutigineqarpoq sanaartorfissanut nutaanut atorneqanngitsunut sisamanut nunaminertamik atugassamik qinnuteqartoqarsinnaasoq:
Sanaartorfissaq nr. 1, 2, 3, 4 illut immikkoortut quleriit tallimat tikillugit ikinnerpaamillu 80 %-ii inissiaassapput, Kommunalbestyrelsip aalajangersagaa §5.2 naapertorlugu Sanaartorfissat nutaat, nunaminertat illuliorfissat aamma peqatigiiffiit siunertaannut atorneqartussat, suli inuttassaqanngitsut, nittarsaassisutigineqartarput sivikinnerpaamik Sapaatip akunneri arfinillit.
Piffissamut aamma sanaartornissamut pilersaarutit.
30.04.2025 Ullormit tassannga sanaartorfissat sanaartorfigiumallugit qinnutigineqarsinnaapput.
11.06.2025 Nal. 16:00 sanaartorfissanut tunngatillugu nunaminertanik atuisinnaanermut qinnuteqarsinnaaneq unissaaq.
Ullormi killigititami nunaminertamut ataatsimut qinnuteqartut arlaliuppata makitsinikkut nunaminertamik tunniussisoqassaaq. Makitsineq kikkunnit tamanit peqataaffigineqarsinnaassaaq.
Sumi qaqugulu makitsisoqassanersoq pillugu qinnuteqartut nalunaarfigineqarumaarput.
Paasissutissat annertunerusut Sanarfinermut Avatangiisinullu Ingerlatsivimmut (Teknikkeqarfimmut) paasiniarneqarsinnaapput uunga areal@avannaata.gl.
Nunaminertamik inniminniinissamut qinnuteqaat Nunaminertalerisunut nassiunneqassaaq, Teknikkeqarfik, Noah Mølgårdip aqq. 9, Postboks 1023, 3952 Ilulissat, imaluunniit elektroniskimik ugguuna https://www.nunagis.gl/arealans%C3%B8gning imaluunniit mailikkut uunga: areal@avannaata.gl.