Kommunimut pilersaarummut tapiliussaq nr. 56 ”Inissiaqarfik Illuigaq”, Uummannaq
Kommunimut pilersaarummut tapiliussaq tamanut saqqummiunneqarpoq 04.04.2025, ullormi tassannga inatsisitigut sunniuteqalissalluni. Kommunimut pilersaarummut tapiliussaq takusinnaavat una toorlugu
Kommunimut pilersaarummut tapiliussap siunertaa
Kommunimut pilersaarummut tapiliussap nr. 56-ip siunertaa pingaarneq tassaavoq inissianik amerlanerusunik illuliornissamut periarfissiinissamut immikkoortup ilaani A12.1-imi illuliorfissanik nutaanik immikkoortitsinissaq. Inissianut taakkununnga sisamanut illuliorfissaq inniminnerneqarpoq pisortat inissiaqarfissaattut, Naalakkersuisut qinnuteqarnerat aallaavigalugu.
Inissiat attartortittakkat taakku sisamat inissinneqarnissaat toqqarneqarpoq Najukkami ataatsimiititaliaq siunersioreerluug. Pinnguartarfik tamaaniittoq Immikkoortumi A12.1-ip iluani allamut nuunneqassaaq, taamaalilluni aamma meeqqanut pinnguarfigissallugu piukkunnarnerulissalluni.
Kommunimut pilersaarummut tapiliussaq sapaatip akunnerini arfinilinni tamanut tusarniaassutigineqarnikuuvoq, innuttaasut, suliffeqarfiit il.il periarfissinneqarlutik akerliliinissamut, oqaaseqarnissamut allannguutissatulluunnit siunnersuuteqarnissamut.
Attaveqarfissaq
Teknikkeqarnermut Ingerlatsivik/Pilersaarusiornermut immikkoortortaq attavigineqarsinnaavoq una mail atorlugu: plania@avannaata.gl