Inissiaqarfiup eqqaani Niels Dorphip Aqqusernani ilanngussamik sanasoqarnissaanut qinnuteqartoqarnera peqqutigalugu kommune kommunimut pilersaarummut tapiliussamut siunnersuummik nutaamik suliaqarpoq, pineqartumi najugaqartut tamarmik sanaartugassamut assingusumik qinnuteqarnissaannik periarfissinneqarput.
Kommunimut pilersaarummut tapiliussami nutartikkami, immikkoortup ilaa 1200-A21.1-muinnaq aalajangersukkat atuutissapput, immikkoortup ilaata sinnera allanngortinneqassanngilaq.
Kommunimut pilersaarummut tapiliussamut nr. 60, ILU1200-A21-mut siunnersuut piffissami uani tamanut tusarniutigineqarluni saqqummiunneqarpoq: 18.06.2025-miit 30.07.2025-mut.
Kommunimut pilersaarummut tapiliussamut iserfissaq
Kommunimut pilersaarummut tapiliussap siunertaa
Kommunimut pilersaarummut tapiliussami periarfissiisoqassaaq immikkoortup ilaani illunik pioreersunik piginnittut ilanngussaq pillugu nunaminertamik atugassinneqarnissaminnut qinnuteqarnissaat. Ilanngussaq illup ilaneqarneratut isigineqartarpoq taanna illumut attuumasariaqanngilaq imaluunniit illumut toqqaannarluni ilassutaasinnaavoq. Ilanngussaq ataaseq 50 kvadratmeter-iusinnaavoq.
Tusarniaaneq
Kommunimut pilersaarummut tapiliussatut siunnersuut sapaatip akunnerini arfinilinni tusarniutigineqassaaq. Piffissami tassani kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il. - akerliullutik nalunaaruteqarsinnaapput, oqaaseqarsinnaapput aamma allannguutissatut siunnersuuteqarsinnaapput.
Tusarniaanermut akissutit kommunip nittartagaa aqqutigalugu toqqaannaq allassinnaavat (https://kommuneplania.avannaata.gl/tusarniaanerit-hoeringer/tusarniaanermut-akissut/) e-mailerlutit Plan@avannaata.gl<3 Akissuteqaatit aamma sumiiffigisanni Sullissivimmut imaluunniit kommunerisannut tunniussinnaavat.
Tamanut saqqummersitsinerup kingorna kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai tamatumalu kingorna siunnersuut inaarutaasumik akuerineqassalluni.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 30.07.2025
