Kullorsuarmi anginerusumik iliveqarfeqalernissamut siunnersuut
Kullorsuarmi iliveqarfik inissaarutiliivippoq. Taamaammat kommuni Kommunimut pilersaarummut tapiliussassatut nr. 59 KLQ 1607-D3 "Kullorsuarmi iliveqarfik" pillugu siunnersuusiornikuuvoq; maannakkorpiaq tamanut tusarniaassutigineqarluni.
Tusarniaanissamut piffissaliussaq: 3. juuli – 28. aggusti 2025
Siunnersuutip malitsigisaanik iliveqarfik 1.000 m²-inik allilerneqarsinnaavoq, taamaasillunilu nunaminertaq katillugit 5.888 m²-it missaaniilersinnaalluni. Kujammut kimmut alliliisoqassaaq, ullumikkullu immikkoortut ilaat inissianut atugassaritinneqartut eqqaaniissalluni.
Siunnersuut tamakkerlugu uani atuarsinnaavat:
Kommunimut pilersaarummut tapiliussaq nr. 59 pillugu siunnersuut
Tusarniaanermut piffissaliussami kikkut tamarmik – innuttaasut, suliffeqarfiit, peqatigiiffiit, meeqqeriviit il.il. – akerliliisinnaapput, oqaaseqarsinnaapput allannguutissatullu siunnersuuteqarsinnaallutik.
Akissuteqaatit uku aqqutigalugit nassiussinnaavat:
- Kommunimut pilersaarummut nittartakkamiittutigut: Tusarniaanermut akissuteqaatinik nassiussigit:
- E-mailikkut uunga:Plan@avannaata.gl
- Najukkanni Sullissivinnut ornigullutit tunniunneratigut imaluunniit kommunimut allakkatigut nassiussinikkut
Tusarniaanermut akissuteqaammik nassiussinissamut killigititaq: Kingusinnerpaamik 28. aggusti 2025
Tusarniaanerup kingorna qanoq pisoqassava?
Tusarniaanermut piffissaliussaq qaanngiutereerpat, oqaaseqaat siunnersuutillu tunniunneqarnikut nassiunneqarnikullu kommunalbestyrelsip misissuataarumaarpai. Tamatuma kingorna kommunip pilersaarummut tapiliussaa inaarutaasumik akuersissutigineqarsinnaanngussaaq.
