Qeqertami iliveqarfiup allilernissaanut siunnersuut
Qeqertami iliveqarfik inissaarutilerpoq. Taamaammat kommunip matumuuna Kommunimut pilersaarummut tapiliussatut siunnersuut nr. 62 QQT 1202-D01 ”Qeqertami iliveqarfik” tamanut tusarniutiginiarlugu tamanut saqqummiuteqqammerpaa.
Tusarniaanermut piffissaliussaq: 11. juli – 05. september 2025
Siunnersuutip siunertaraa iliveqarfik 6.250 kvm-miit 12.500 kvm-ip missaanut allilerneqarnissaa. Alliliineq kitaatungaanut pissaaq ullumikkullu sukisaarsaarfittut atorneqartartumut sunniuteqassalluni.
Siunnersuut tamaat uani atuarsinnaavat:
Kommunimut pilersaarummut tapiliussatut siunnersuut nr. 62
Tusarniaanerup nalaani kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il. akerliunerminnik, oqaaseqaatissaminnik aamma allannguutissatut siunnersuutissaminnik nassiussisinnaapput.
Akissuteqaatit uunga nassiussinnaavat:
- Kommunip nittartagaa Tusarniaanermut akissut
- Mailerlutit uunga: Plan@avannaata.gl
- Najukkami Sullissivinnut tunniussinnaavat imaluunniit allaganngorlugu kommunimut nassiussinnaavat
Tusarniaanermut akissuteqarnissamut piffissaliussaq: Kingusinnerpaamik 05. september 2025
Tusarniaareernerup kingorna susoqassava?
Tusarniaanermut piffissaliussaq unippat, kommunalbestyrelsimit akerliunerit aamma siunnersuutit misissorneqassapput. Tamatumalu kingorna kommunimut pilersaarummut tapiliussaq inaarutaasumik akuersissutigineqarsinnaassaaq.
