Nunaminertamik atugassiinermik pioreersumik pigisaqartup, sanaartorfissanik ataatsimut katititsinissamik qinnuteqaata tunngavigalugu, aammalu nunaminertanik qimmiliviusinnaasunik qulakkeerinnittoqarnissaanik politikkikkut kissaateqarneq tunngavigalugu, kommunimut pilersaarummut tapiliussaq immikkoortup ilaanut 1200-B08, Ilulissat, tunngasoq nalilersoqqinneqarsimavoq.
Kommunimut pilersaarummut tapiliussassatut siunnersuutikkut ugguuna, sanaartorfissat pioreersut iluarsiiffigineqarput, aamma immikkoortup ilaata kangisinnerusortaa immikkoortunut sanaartorfigeqqusaanngitsunut qimmilivissanut nuunneqarpoq.
Kommunimut pilersaarummut tapiliussassatut nr. 53, ILU1200-B08-tut siunnersuut tamanut tusarniaassutigineqarluni saqqummiunneqarpoq, piffissami: 08.09.2025-miit 03.11.2025-mut.
Kommunimut pilersaarummut tapiliussaq nr. 53 pillugu siunnersuut uani takuneqarsinnaavoq:
Kommunimut pilersaarummut tapiliussap siunertaa
Kommunimut pilersaarummut tapiliussap aaqqiissuteqarfiginissaanut pisariaqartitsineq qinnuteqartumit aallaaveqarpoq, taannalu immikkoortup ilaani nunaminertamik peqareerpoq, taannalu kissaateqarpoq sanaartorfissat pingasut ataatsimoortinneqassasut, sanaartorneq anginerusoq periarfissikkumallugu.
Qinnuteqartoq sanaartorfissanik pingasunik peqareerpoq. Nunaminertamik pigisaqartup nunaminertaatimi pioreersup ilaa (sanaartorfissaq 10) utertippaa, qimmilivittut atorneqarsinnaasoq, aamma tassunga nunaminertaq mikinerusoq, biilit unittarfiannut nutaamut atorneqarsinnaasoq taarsiullugu.
(Nunap assigani takussutissa takuuk)
Immikkoortup ilaa imeqarfiup killeqarfiata iluaniimmat, imeqarfiup killeqarfiata nikisinnissaa pisariaqarpoq, maannakkumut aalajangersaanerni allaqqammat immikkoortup ilaani B8.2-mi nunaminertat atorneqarsinnaanngitsut imeqarfimmut killeqarfik nikisinneqanngippat.
Ataatsimiititaliaq aamma siusinnerusukkut aalajangiinikuuvoq sanaartorfissat pioreersut atugassanngortinneqarnikuunngitsut qimmilivinngortinneqassasut. Kommunimut pilersaarummut tapiliussassatut siunnersuutikkut matumuuna immikkoortup ilaata kangimut killeqarfia illuarneqssaaq, taamaalilluni imeqarfiup killeqarfianit immikkoortinneqarluni. Immikkoortoq imeqarfiup killeqarfianut killittoq immikkoortortanngussaaq sanaartorfigeqqusaanngitsoq qimmeqarfiusussaq, immikkoortorlu imeqarfiup killeqarfiata iluaniittoq sammiviliilluni pilersaarusiornissamut, siunissami immikkoortoq sanaartorfigeqqusaanngitsoq qimmiliveqarfissatut immikkoortinneqassaaq.
Immikkoortup ilaa kujammut (immikkoortoq 1 nunap assigani takussutissami) allineqassaaq sanaartorfissamik nutaamik. Taassuma, kiisalu nunaminertap sanaartorfissap 10-p ilanngunneqartup, tamarmik immikkoortup ilaanut 1200-D09-imut sanianiittumut killeqarfik allanngortippaat.
Tusarniaaneq
Kommunimut pilersaarummut tapiliussassatut siunnersuut sapaatip akunnerini arfineq pingasuni tusarniaassutigineqarpoq. Piffissami tassani kikkut tamarmik – innuttaasut, suliffeqarfiit, paaqqinnittarfiit, peqatigiiffiit il.il. - akerliullutik nalunaaruteqarsinnaapput, oqaaseqarsinnaapput aamma allannguutissatut siunnersuuteqarsinnaapput.
Kommunimut pilersaarut pillugu kommunip nittartagaa aqqutigalugu toqqaannartumik tusarniaanermut akissuteqaatit allassinnaavat https://kommuneplania.avannaata.gl/dk/hoeringer/indgiv-hoeringssvar/ imaluunniit uunga mailerlutit plan@avannaata.gl Aamma akissutit Sullissivimmut tunniussinnaavat, kommunimulluunniit nassiullugu.
Tamanut saqqummersitsinerup kingorna kommunalbestyrelsip akerliulluni nalunaarutaasinnaasut aamma allannguutissatut siunnersuutit suliarissavai, tamatumalu kingorna siunnersuut inaarutaasumik akuerineqarsinnaalluni.
Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 03.11.2025
