Inissiaqarfiup eqqaani Niels Dorphip Aqqusernani ilanngussamik sanasoqarnissaanut qinnuteqartoqarnera peqqutigalugu kommunimut pilersaarummut tapiliussamut siunnersuut nutaaq suliaqarineqarpoq, pineqartumi najugaqartut tamarmik sanaartugassamut assingusumik qinnuteqarnissaannik periarfissinneqarlutik.
Kommunimut pilersaarummut tapiliussami nutartikkami, immikkoortup ilaa 1200-A21.1-muinnaq aalajangersukkat atuutissapput, immikkoortup ilaata sinnera allanngortinneqassanngilaq.
Kommunimut pilersaarummut tapiliussaq nr. 60 uani atuarneqarsinnaavoq.
Kommunimut pilersaarummut tapiliussami periarfissiisoqarpoq immikkoortup ilaani illunik pioreersunik piginnittut ilanngussaq pillugu nunaminertamik atugassinneqarnissaminnut qinnuteqarnissaannik. Ilanngussaq illup ilaneqarneratut isigineqartarpoq, illumut attuumasariaqanngittoq imaluunniit illumut toqqaannarluni ilassutaasinnaasoq. Ilanngussaq ataaseq 50 kvadratmeter-iusinnaavoq.
Apeqqutissaqarussi Pilersaarusiornermut immikkoortortaqarfik attavigisinnaavat e-mail una atorlugu: plan@avannaata.gl