Nunaqarfinni Siorapalummi Qeqertanilu aqutsisut Avannaata Kommuniani Nunaqarfinnut Aqutsisut suleriaasaat pillugu septambarip quligani pikkorissarput.
Pikkorissarnermi Avannaata Kommuniani Nunaqarfinnut Aqutsisut suleriaasiat qanoq paasineqassanersoq, Nunaqarfinni Aqutsisut sunik periarfissaqarnersut, qanoq pisussaaffeqarnersut, kiisalu suliniutinut aalajangersimasunut aningaasaliissutinik qanoq pingaarnersiuissanersut soorlu nunaqarfinni aserfallatsaaliuinerit iluarsartuussinerillu pillugit saqqummiussoqarpoq.
Siorapalummi Qeqertanilu Nunaqarfinnut Aqutsisut siulittaasuat, Magssanguaq Oshima (S), pikkorissarnerminnik naammagisimaarinnippoq/pitsaanerusariaqarsorisaqarpoq.
-Iluarpoq naapisimarluni, qujanarpoq taamatut pineqaratta, tikinneqarluta. Ajoraluartumik Savissiminngaanniik tikinngittooramik, neriuppunga tulliani ilaasinnaassasut , Magssanguaq Oshima oqarpoq.
Pikkorissaasoq: Naammassilluarpoq
Avannaata Kommuniani nunaqarfinnut siunnersortimut taartaasoq, Andreas Wille, pikkorissaasuuvoq.
-Nunaqarfinnut Aqutsisut saqqummiussannik iluarisimaarinninnerat nuannaarutigaara. Saqqummiussannik pissarsilluarnerminnik unnersiorput.
Tamanna uanga suliamma naammassilluarneratut nalilersinnaavara, Andreas Wille oqarpoq.
Nunaqarfinnut Aqutsisut Savissivimmeersut pingasut angallannikkut pissutsit peqqutigalugit peqataanngitsoorput. Suleriaaserli pillugu kingusinnerusukkut tikinneqarnissaat pilersaarutaavoq.
Uummannap Upernaviullu eqqaani Nunaqarfinnut Aqutsisut piffissami aggersumi taama aamma pikkorissarneqarnissaat pilersaarutaavoq.