Avannaata Kommuniani kommunalbestyrelsip ulloq 19.09.2025 ataatsimiinnermini, Kommunimut pilersaarummut tapiliussaq nr. 59, KLQ1607-D3 "Kullorsuarmi iliveqarfik" inaarutaasumik akuersissutigaa.
Kommunimut pilersaarummut tapiliussap siunertaraa iliveqarfiup inissaarutilertup inissaqarnerulersinnissaa. Alliliineq pissaaq inissiaqarfiup A01-imiittup ilaa atorlugu, iliveqarfiup kujammut kangimut tungaaniittup. Taamaalilluni iliveqarfik katilugu 5.888 m² miss. annertutigineqalissaaq, ullumikkumut sanilliullugu 1.000 m²-erit miss. inissaqarnerulersillugu.
Kommunimut pilersaarummut tapiliussaq tamakkerlugu uani atuarsinnaavat:
Kommunimut pilersaarummut tapiliussaq nr. 59 pillugu siunnersuut
Kommunimut pilersaarummut tapiliussaq sapaatit akunnerini arfineq-pingasuni tamanut ammasumik tusarniaassutigineqarpoq, ullullu taakku ingerlaneranni innuttaasut, suliffeqarfiit allallu akerliliinissamut, oqaaseqaateqarnissamut allannguutissanillu siunnersuuteqarnissamut periarfissaqarnikuupput.
Siunnersuutit ilitsersuutillu Pilersaarusiornermut immikkoortortaqarfimmut saaffiginninnikkut pissarsiarineqarsinnaapput. Pilersaarusiornermut immikkoortortaqarfik uunga attavigineqarsinnaavoq Plan@avannaata.gl
