ilisimasassituut Avannaata Kommunia ineqarniarnikkut ajornartorsiorfiuvoq annertuumik, tassungalu ilutigitillugu Avannaata Kommunia pilersaarusiorluni aallartinnikuuvoq inissianik amerlasuunik sanaartornissaminut.
Tassani siunertaavoq innuttaasut nammineerlutik pisiarisinnaassagaat, angissutsit eqqartorneqartut tassaapput 45 kvm²-iminngaaniit 68 kvm²-mut, taakkua pisiarineqarniarunik nammineerluni ileqqaagassaqarnissaq pisariaqarpoq, imatut paasillugu 20-20-60-iunani offentlig lån-eqarani 120-130 missaani udbetaling-eqassaaq.
Taava skatsi peereerlugu qaamammut aningaasartuutigineqarlutik akiliutaasassapput 4000-5000 kr. missaani, tassa unamminartorujussuarmik akilinnik sanaartorniarpugut tuniniarniarlugillu.
Inissiat siulliit 62-it pilersaarusiorneqarput illorsuaq siulleq 30-nik inissialik qummut quleriit tallimaassapput, taannalu blokkit qaqortut naqqatungaani narsartami sanallugu aallartinniartussaassooq.
Inissiat taakku siulliullugit tuniniarneri aallartinniarparput taamaammat innuttaasut kikkuugaluartut siullerpaamik illutaarusuttut immaqa ilaqutariiaraanguarnut imaluunniit inuusuttunut saaffiginnittumik.
Tamanna siunissamut aningaasaliilluarnertut isigivarput, imminerisamik nammineerlutik illutaarnissaminnut aningaasasaliinissamik eqqarsartoqarpat massakkut katersaqaleritsi aningaaseriviit oqaloqatigisigit, paasiniarlugulu periarfissasi qanoq innersut qaqugulu illutaarsinnaanerlusi.
Tassa imaappoq ukununnga sanaartugassatsinnut tunngatillugu neriuppunga siulleq ukiormanna aallartissasoq taava aappaagu piareerlutik aallartissapput.
Taava siunertaavoq inissiat tunigaangatsigit taava aningaasat taakku pissarsiarisagut sanaartugassanut allanut nutaanut aningaasaliissutitut atortarnissaat, taamaalilluni portusuunik sanaartorneq ataavartumik ingerlanniassagatsigu pisariaqartitsineq annertoorujussuummat.
Puigunngilagut ilulissat avataaniittut tassa kikkuugaluarussiluunniit nunaqarfimmiikkussi illoqarfimmiikkusi aamma inissianik pisisinnaavusi, aningaasaliinertut isigalugu imaluunniit ilaquttassinnut attartortissinnaavasi qanigisassinnulluunniit. Angajoqqaajugussi immaqa aamma meeqqasi sinnerlugit aningaasaliinnaavusi taamatut meeqqasi periarfissinniarlugit.
Taamaammat taakkununnga aningaasaliinerit ingerlassinnaavasi, kaammattuutigalu unaavoq inissiarsigitsi paasiniaagitsi periarfissasi suunersut, siumoortumik pilersaarusioritsi ini a/s inaataaniinani namminerisamik illuuteqarsinnaanissamut periarfissaq atorluarsiuk tamanna tunaartaraarput.
Taamaammallu naatsorsuutigineqassooq suli ersarinnerusumik periutsit suliarineqassasut qanoruna soqutiginarsarniaripput taamatut namminerisamik ineqalernissaq aamma inissiat angisuujunngillat taamaammat unamminartorujussuarmik akeqartussaapput.
Soorunami sanaartornerminni akigititaq aallaavigiusussaassooq kisianni missaliuussagut taamatut isikkoqarput unamminartumik qaammammut akeqartussallutik, tamanna Ini a/s-imut akilersuinermiit pitsaaneruvoq.
Namminerisamik aallarniutitut illutaarluni ima pitsaatigivoq ukiualuit qaangiuppata immaqa anginerusumut nutsernissannut tunngavissarissaartoqalersinnaalluni taamaammat aammaarlunga kaammattorpassi aningaaseriviit saaffigisigit qanoq iliorlusi katersilereersinnaanerlusi, qaammammut tusind kr.-erpassuussariaqanngillat kisianni piareersarlusi aallartigitsi taamaasillusilu ukiuni tulliuttuni sanaartukkanut nutaanut isertersinnaanissarsi periarfissarsiuuniassagassiuk. qujanarujussuarlu.