Avannaata Kommuniata Sermermiut Aqqutaaniittoq nunaminertaq inissiaqarfittut, takornarialerinermut aamma kiffartuussinermut siunertaqalernissaa siunertaralugu allilerneqarnissaa siunnersuutigaa.
Innuttaasut, inuussutissarsiuteqartillillu sulisunut inissianik pilersitsinissamik, takornarianut unnuisarfissanik pilersitsinissamik inuussutissarsiutillillu pilersitsivissaatut il.il. kissaateqarluni qinnuteqartoqarnera aallaavigalugu. Nunaminertaq Sermermiut aamma UNESCO-qarfiup eqqaani inissisimavoq ornigarluarneqartarlunilu.
Tamanut ammasumik tusarniaanerup nalaani kikkut tamarmik – innuttaasut, suliffeqarfiit, paaqqinnittarfiit, peqatigiiffiit allallu – aaqqiissutissatut siunnersuutiminnik nassiussisinnaapput.
Kommunimut pilersaarummut tapiliussaq nr. 63 ILU 1200-C21 ”Sermermiut Aqqutaa Qitiusoqarfik” tamanut ammasumik tusarniutigineqarnikuuvoq ulloq 19. september-imiit – 14. november 2025-mut. Piffissami tassani suliniutissatut siunnersuummik nassiussisoqarpoq, taannalu immikkoortup ilaani killeqarfiit allilerneqarnissaannik piumasaqaatitaqarpoq.
Kommune qinnuteqaatit aamma suliniutissatut siunnersuut saqqummiunneqartoq aallaavigalugit Kommunimut pilersaarummut tapiliussamik nr. 63 1200-C21 ”Sermermiut Aqqutaa Qitiusoqarfik” siunnersuummik nutaamik suliaqarpoq taannalu maannakkut tamanut ammasumik tusarniutigineqarpoq.
Tusarniaanermut piffissaliussaq: 12. december 2025-miit – 23. januar 2026-mut
Siunnersuutip nutartikkap suli immikkoortup ilaa C21 (qitiusoqarfik) allilerneqarnissaanik imaqarpoq, taamaasilluni nunaminertaq assigiinngitsunik siunertaqarfiulissaaq soorlu pisiniarfinnik, kiffartuussinermut inuussutissarsiutinik, inissianik aamma takornariaqarnermut tunngasunik sammisaqartitsinernik.
Alliliinerup imaraa:
- 730 m² nunaminertaq sanaartorfiusissaanngitsoq D02 (qimmeqarfik)
- 2.960 m² inuussutissarsiuteqarfik B07
- 2.400 m² missaaniittut D12-meersut (siunnersuummi nutaami nutarterneqartut)
Immikkoortup ilaa qitiusoqarfik C21. 24.000 m²-miit 30.000 m²-mut allilerneqarnissaa takorluugaavoq.
Siunnersuummi nutaami innuttaasut suliffeqarfiillu kissaataat naapertorlugit nutaanik sanaartortoqarnissaanik periarfissiissaaq. Sanaartorfissaq nutaaq unnuisarfissap inissisimaffissaatut siunnersuutigineqartoq, tusarniaareernerup kingorna tamanut ammasumik nalunaarutigineqassaaq taamaasillutik kikkut tamarmik nunaminertamut qinnuteqarsinnaalissapput.
Siunnersuut tamaat uani atuarsinnaavat:
Forslag til kommuneplantillæg nr. 63
Tusarniaanermut piffissaliussami kikkut tamarmik – innuttaasut, suliffeqarfiit, peqatigiiffiit, paaqqinnittarfiit il.il. – akerliliinernik, oqaaseqaatinik imaluunniit allannguutissatut siunnersuutinik nassiussisinnaapput.
Akissuteqaatit nassiussinnaavat:
- Kommunip nittartagaanut: Tusarniaanermut akissut
- Emailimut: Plan@avannaata.gl
- Najukkami Sullissivik-mut tunniullugu imaluunniit allakkatigut kommunimut nassiullugu
Tusarniaanermut akissuteqarnissamut killigititaq: Kingusinnerpaamik 23. januar 2026
Tusarniaareernerup kingorna susoqassava?
Tusarniaanermut piffissaliussaq unippat kommunalbestyrelsip oqaaseqaatit siunnersuutillu takkussuuttuut misissussavai. Tamatumalu kingorna kommunimut pilersaarummut tapiliussaq inaarutaasumik akuersissutigineqassaaq.
