Kommunip matumuuna inissiaqarfik A30-imi sanaartorfissat 6, 27, 28 aamma 31-ip atorneqanngitsutut nalunaarutigaa.
Sanaartorfissat Inissianik ammasumik-pukkitsumik sanaartorfissaapput.
Sanaartorfissanut nunaminertamik tunineqarnissamik imaluunniit nunaminertamik inniminniinissamut qinnuteqarnissaq ulloq 30. Januar 2026 tungaanut periarfissaalerpoq.
Qinnuteqaatit tamarmik ulloq 30. Januar 2026 nal. 23:59 sioqqullugu imaluunniit piffissaliussap iluani tiguneqarsimasut kisimik ilaatinneqassapput.
Qinnuteqaatit ulloq 30. Januar 2026 kingorna tiguneqartut, ilaatinneqarnavianngillat.
Inissiaqarfimmut A30-mut Ilulissat avannaani inissiaqarfissaq kommunimut pilersaarut
Kommunimut pilersaarummut tapiliussaq uani atuarneqarsinnaavoq kpt-50-1200-a30-ob.pdf imaluunniit Nunaminertalerisunut, Sanaartornermut Avatangiisinullu Ingerlatsivimmut saaffiginninnikkut pissarsiarineqarsinnaavoq (Teknikkeqarfik).
Qinnuteqartutut pingaaruteqarpoq sumiiffimmi aalajangersakkat suut atuunnersut atuarluassallugit, tassaasut kommunimut pilersaarummut tapiliussaq nr. 50 ILU1200-A30 "Ilulissani inissiaqarfissaq A30-mut aalajangersakkat nutaat pingaarnerit sukumiinerusullu" 11.12.2024-meersoq.
Politikkikkut aalajangiunneqarnikuuvoq sanaartorfissaq ilaqutariit illuinik sanaartornermut atorneqassasoq.
Nunagissaaneq.
Sanaartorfigissaanermut Akiliinissamut malittarisassaq, Ilulissat Avannaa ilaqutariinnut ataatsinut atuuppoq. Kr. 242.234
Immikkuualuttortalittut immikkoortoq A30.1, A30.2, aamma A30.3-mut, sanaartorfigissagaareersunut „Betalingsvedtægt for Byggemodning, Ilulissat Nord“ („Sanaartorfigissaanermut Akiliinissamut malittarisassaq, Ilulissat Avannaa“) atuuppoq.
Immikkuualuttortalittut immikkoortoq A30.5-imi nunaminertanik atugassiinernut atatillugu kommune sanaartorfigissaassappat akiliinissamut malittarisassamut nutaamut naleqqiullugu sanaartorfigissaanermut akiliutissaq akilerneqassaaq. Allatut qinigassatut sanaartortitsisup nammineq sanaartorfigissaanissani akilissavaa.
Qinnuteqartut uku eqqumaffigissavaat:
- Kinaluunniit inuk, suliffeqarfik, ingerlatseqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq.
- Qinnuteqartutut akuerisat minnerpaamik aningaasanik attartornissaminnut uppernarsaammik takutitsissapput.
Sanaartorfissat atorneqanngitsut pillugit aalajangersakkat saqqummiunneqarneri Avannaata Kommuneplaniani takuneqarsinnaapput:
https://kommuneplania.avannaata.gl/dk/arealbestemmelser/om-arealtildelinger/ansoegning-om-arealtildeling/#B
Qinnuteqaammut ilanngunneqassapput:
- Sanaartornissamut piviusorsiortumik piffissamik pilersaarusiorneq, nunaminertamik atuinissamut inniminniinermut nunaminertamillu atugassinneqarnermut piffissaritinneqartunik atuuttunik malinnittumik.
- Pilersaarutip allaaserinera, suut sanaartorneqarusunnersut aammalu siunertaq allaaseralugu aamma titartagartaa ilanngullugu.
- Aningaasaliisinnaassuseqarnermik uppernarsaat. Qinnuteqartup sanaartugassatut qinnuteqaatip piviusunngortinnissaanut aningaasatigut periarfissani uppernarsassavai.
Qinnuteqaatit tamakkuninnga paasissutissanik uppernarsaatinillu imaqartut kisimik ilanngunneqassapput.
Qinnuteqartup qinnuteqaatimi tamakkiisuunissaa eqqortumillu paasissutissiinissaani akisussaaffigaa. Qinnuteqarfissatut piffissaritinneqartoq qaangiutinnginnerani qinnuteqaatit kommunimit ajunnginnersut misissornissaa akisussaaffiginngilaa.
Tunniussisarnermut suleriuseq:
Ullormi killigititami nunaminertamut ataatsimut qinnuteqartut arlaliuppata makitsinikkut aalajangiunneqassaaq nunaminertaq kimut tunniunneqassanersoq. Makitsineq kikkunnit tamanit peqataaffigineqarsinnaassaaq.
Sumi qaqugulu makitsisoqassanersoq pillugu qinnuteqartut nalunaarfigineqarumaarput.
Paasissutissat annertunerusut Sanaartornermut Avatangiisinullu Ingerlatsivimmut (Teknikkeqarfimmut) paasiniarneqarsinnaapput uunga areal@avannaata.gl.
Nunaminertamik inniminniinissamut qinnuteqaat Nunaminertalerisunut nassiunneqassaaq, Teknikkeqarfik, Noah Mølgårdip aqq. 9, Postboks 1023, 3952 Ilulissat, imaluunniit uunga nassiullugu areal@avannaata.gl.