Kommunip matumuuna inissiaqarfik A26.1-imi sanaartorfissat pingasut atorneqanngitsutut nalunaarutigai.
Sanaartorfissat ilaqutariit illuinik, pukkitsunik illulioriaaseq atorlungu sanaartorfissaapput.
Sanaartorfissanut nunaminertamik imaluunniit nunaminertamik inniminniinissamut qinnuteqarnissaq ulloq 30. Januar 2026 tungaanut periarfissaalerpoq.
Qinnuteqaatit tamarmik ulloq 30. Januar 2026 nal. 23:59 sioqqullugu imaluunniit piffissami tassani kingusinnerpaamik tiguneqarsimasut taamaalisukkut tiguneqartutut isigineqassapput.
Qinnuteqaatit ulloq 30. Januar 2026 kingorna tiguneqartut, ilaatinneqarnavianngillat.
Inissiaqarfimmut A26-mut Issortarfik, Ilulissat inissiaqarfissaq kommunimut pilersaarut
Kommunimut pilersaarummut tapiliussaq uani atuarneqarsinnaavoq kpt-27_1200-a26_ob_inklkpt38.pdf imaluunniit Nunaminertalerisunut, Sanaartornermut Avatangiisinullu Ingerlatsivimmut saaffiginninnikkut pissarsiarineqarsinnaavoq (Teknikkeqarfik).
Qinnuteqartutut pingaaruteqarpoq sumiiffimmi aalajangersakkat suut atuunnersut atuarluassallugit, tassaasut kommunimut pilersaarummut tapiliussaq nr. 27 ILU1200-A26 " Ilulissani inissiaqarfiup immikkut ittumik aalajangersagartai nutaat aamma immikkuualuttut aalajangersagartai. " 17.06.2022-meersoq.
Politikkikkut aalajangiunneqarnikuuvoq sanaartorfissaq ilaqutariit illuinik, pukkitsunik illulioriaaseq atorlungu sanaartorfissaapput.
Nunagissaaneq.
Lokalplan A26.1 Kr. 170.588
Sanaartorfigissaanermut aningaasaliineq qaqugumulluunniit atuuttutut Kommunalbestyrelsip malittarisassiai naapertorlugit pissaaq.
Qinnuteqartut uku eqqumaffigissavaat:
- Kinaluunniit inuk, suliffeqarfik, ingerlatseqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq.
- Qinnuteqartutut akuerisat minnerpaamik aningaasanik attartornissaminnut uppernarsaammik takutitsissapput.
Sanaartorfissat atorneqanngitsut pillugit aalajangersakkat saqqummiunneqarneri Avannaata Kommuneplaniani takuneqarsinnaapput:
https://kommuneplania.avannaata.gl/dk/arealbestemmelser/om-arealtildelinger/ansoegning-om-arealtildeling/#B
Qinnuteqaammut ilanngunneqassapput:
- Sanaartornissamut piviusorsiortumik piffissamik pilersaarusiorneq, nunaminertamik atuinissamut inniminniinermut nunaminertamillu atugassinneqarnermut piffissaritinneqartunik atuuttunik malinnittumik.
- Pilersaarutip allaaserinera, suut sanaartorneqarusunnersut aammalu siunertaq allaaseralugu aamma titartagartaa ilanngullugu.
- Aningaasaliisinnaassuseqarnermik uppernarsaat. Qinnuteqartup sanaartugassatut qinnuteqaatip piviusunngortinnissaanut aningaasatigut periarfissani uppernarsassavai.
Qinnuteqaatit tamakkuninnga paasissutissanik uppernarsaatinillu imaqartut kisimik ilanngunneqassapput.
Qinnuteqartup qinnuteqaatimi tamakkiisuunissaa eqqortumillu paasissutissiinissaa akisussaaffigaa. Qinnuteqarfissatut piffissaritinneqartoq qaangiutinnginnerani qinnuteqaatit kommunimit misissorneqarneq ajorput.
Tunniussisarnermut suleriuseq:
Ullormi killigititami nunaminertamut ataatsimut qinnuteqartut arlaliuppata makitsinikkut aalajangiunneqassaaq nunaminertaq kimut tunniunneqassanersoq. Makitsineq kikkunnit tamanit peqataaffigineqarsinnaassaaq.
Sumi qaqugulu makitsisoqassanersoq pillugu qinnuteqartut nalunaarfigineqarumaarput.
Paasissutissat annertunerusut Sanaartornermut Avatangiisinullu Ingerlatsivimmut (Teknikkeqarfimmut) paasiniarneqarsinnaapput uunga areal@avannaata.gl.
Nunaminertamik inniminniinissamut qinnuteqaat Nunaminertalerisunut nassiunneqassaaq, Teknikkeqarfik, Noah Mølgårdip aqq. 9, Postboks 1023, 3952 Ilulissat, imaluunniit uunga nassiullugu areal@avannaata.gl.