Ilulissani 12 pax angallatinut pikkorissaaneq
Avannaata Kommuniata Imarsiornermut Aqutsisoqarfik isumaqatigissuteqarfiginikuuaa 12 pax-imut pikkorissaaneq siulleq Ilulissani februar 9.-anit marts 6.-nut 2026-mi ingerlanneqassasoq.
Nalunaarsortissinnaalereerputit! (ISERFISSAQ) 12pax angallatinut pikkorissaaneq – kursus for 12pax fartøjer - Grønlands Maritime Center
Pikkorissarneq 38.500 kr.-inik akeqarpoq
Avannaata Kommuniani inuussutissarsiornermut immikkoortortaqarfimmut tapiissuteqarfigineqarnissamik qinnuteqartoqarsinnaavoq, pikkorissartitsinissaq Avannaata Kommuniani inuussutissarsiornermut suliniutinut ilaammat. Kommunip peqataasussat 12-it tapiissuteqarfigisinnaavai.
Peqataasussat 30.000 kr.-ip tungaanut tapiissuteqarfigineqarsinnaapput.
Tapiissuteqarfigineqarnissamut qinnuteqaat immersugassaq immersorialugu nassiussinnaavat uunga. (Qinnuteqarnermi immerugassaq 12 PAX KAL)
OBS! Tapiissutinut qinnuteqarneq pikkorissartitsinissamut nalunaarsornerunngilaq. Pikkorissarnissamut nalunaaruteqarneq toqqaannaq uani pissaaq l 12pax angallatinut pikkorissaaneq – kursus for 12pax fartøjer - Grønlands Maritime Center
Inuussutissarsiornermut ataatsimiititaliap tapiissutinik tunniussisinnaanissaminut ataatungaaniittut piumasaqaatigai:
- Innuttaasut Avannaata Kommuniani minnerpaamik ukiuni marlunni najugaqarsimanissaq
- Suliffeqarfeeqqat CVR-normoqarlutik nalunaarsoqqasimasut sivikinnerpaamik ukiuni marlunni, ukiumullu ikinnerpaamik 1 mio. kr.-it ataallugit isertitallit sulisuminnik pikkorissartitserusuttut
- Pikkorissaaqataanissamut akuerisaaneq
- Ilulissani umiatsiaararsorlutik aalisartut
Inuussutissarsiornermut ataatsimiititaliamit kissaatigineqarpoq 2026-p ingerlanerani kommunip avannaatungaani 12 pax-imut pikkorissaaneq ingerlanneqarumaartoq.