Najugaqartut ilaat assigiinngitsunik pinnguartinneqarput ilaatigut saniliminnik ujarlertinneqarlutik tassani arnat saniliminnik makitsisinneqarput. Pinnguaat tamanna pinnguaatigineqallattaasarpoq utoqqaat nuannaaraangasa pikialaaraangatalu tamanna pinnguaatigineqartarpoq nuannarineqarluarlunilu.
Unammisoqarpoq aamma angutit arnallu peqataaffigaat unamminerlu nuannerpoq illartitsingaatsiarluni nuannaartitsillunilu.
Tamatuma saniatigut guitarertoqarpoq nuannarineqarluartumik illarpalaaq nuannaarpalaarnerlu tusarsaalluni. Guitarertoq arnamik angummillu nipilersoqateqarpoq tamannalu illartitsingaatiarluni.
Ballonimik pinnguarneq, balloni qaarnaveersaarneqarpoq kisiannilu pullanneqaqattaarpoq ingerlaartinneqarlunilu tamanna tissinartorujussuuvoq amerlasuullu illariilipput.
Tamatuma saniatigut Jerimias Karlsen erinarsorlunilu nipilersorpoq inuttaalu nersorniarlugu samatta ”Unnuup Nipaannerani” atorparput.
Utoqqaat kissaataat naapertorlugu ataatsimut erinarsoqatigiippugut naggataatigullu ”Nersortigu” tussiarneqarpoq.
Ataatsimuualaarneq ullup qeqqanut aallartippoq nerisassanillu assigiinngitsunik marlunnik kusanartumillu sassaalliuteqartoqarpoq, kikkut tamarmik nerisassanik mamarsarput. Tamatuma saniatigut læagkagemik mamarluinnartumik sassaalliuteqartoqarpoq mamarsaatigineqarluartumik.
Utoqqaat sinnerlugit kikkut tamaasa ukiortaarsiorluarnissaannik kissaappagut.
