”Min klasse i Grønland” Ukiumut filmeeraliat akornanni Robert-imik nersornaaserneqarpoq ukiumoortumik piviusulersaarummik nersornaasiinermut atatillugu.
Ullumikkut februaarip ulluisa sisamaanni atuarfimmiit 8.a-kut nersornaaserneqarneranik pilluaqqullugit lagkagemik tunivagut. Kingusinnerusukkullu Atuarfik Mathias Storch-imi ilinniartitsisut aamma lagkage-mik tunineqarput.
Atuarfik Mathias Storch-imi 8.a-mi atuartut 5.a-mi atuartuugallaramik Plus Pictures-imit filmiliortartunit malinnaaffigineqarlutik piviusulersaarummut immiunneqarput.
Immiunneqarneri Ilulissani Atuarfik Mathias Storch-imi, illoqarfimmi, eqqaani naggataatigullu Danmarkimi ingerlanneqarput klassi Nordplus-imi suliniummut peqataanerat peqqutigalugu.
Isiginnaartartut atuartut atuartarnerannut aamma atuartut ilaasa ulluinnarni inuunerannut malinnaasinnaapput.
Immiussat DR-imi Ramasjang-imi takutinneqarnikuupput.
Rulo Magnussen taamani klassimi ilinniartitsisuunikoq ullumikkut pisumut atatillugu diplomimik naasunik Brugsenimullu pisissutissamik tunineqarpoq.
https://www.robertprisen.dk/vaerker/min-klasse-i-gronland