Akinnakkut qummukaruit nunaminertaq illersugaasoq aqqutigissavat tamannalu imeqarfitta illersorneqarnissaanik siunertaqarpoq. Taamaammat pingaaruteqarpoq qamuteralannut ingerlaffissatut nalunaarsukkat malinnissaat sumiiffiillu allat tikinnaveersaarnissaat.
Qamuteralannut ingerlaffissat uani takusinnaavatit:
Inatsisit kikkunnut tamanut atuupput, aalisartunut aamma inuinnarnut. Kikkut tamarmik qamuteralannut ingerlaffissatut nalunaarsukkat malittussaavaat, taakku nalunaarsorneqarnikuupput illoqarfiup imeqarfia illersorniarlugu. Avannaata Kommunia qamuteralannik ingerlaffissat assigiinngitsut innuttaasunit eqqummaariffigineqarnissaannik kajumissaarivoq.
Sugguuna ingerlaartoqarsinnaanersoq allagartanik ikkussisoqarumaarpoq.
Imeqarfiup killeqarfiata paarinissaanut ikiortigut, tamanna Ilulissanut pingaaruteqarpoq imermillu eqqiluitsumik imeqarnissatsinnik isumannaarinnittarpoq.
Qujanaq ataatsimoorluta isumalluutitsinnik illersueqataagavit.