Aqqaninngortoq atuartut tamarmik qaqqamukakaapput seqernup takunissaanut neriuuteqarlutik.
Tamatuma kingorna Narsannguup Atuarfiani malunnartinneqarpoq tassanilu kakao uunnalaartoq aamma boor´lut sassaalliutigineqarput.
Ullup qeqqata missaani innuttaasut seqernup kingumut uternera malunnartinniarlugu qatserisarfiup eqqaani ataatsimoortinneqarput. Tassanilu meeqqerivimmit meeqqat peqataapput aamma erinarsornerit, nuannisaaqatigiinnerit sammisaqaqatigiinnerillu nuannersut ingerlanneqarput. Tamatuma saniatigut kakao anaalerinermilu boor´lut sassaalliutigineqarput.
Avannaata Kommuniani allaffimmiuuneq Nuunu Petersen oqaluttuarpoq seqernup kingumut uternera qimussinik sukkanniuuttoqarneranik siusinnerusukkut malunnartinneqartarnikuusoq.
-Ukiormanna immap sikua qimussinik sukkanniuuttoqarnissaanut naammanngilaq. Taamaammat immikkut ittumik puisimik angoqqaanniuutitsivugut, Nuunu Petersen oqaluttuarpoq.
Illoqarfissinni inoqarfissinnilu seqernup kingumut uternera malunnartittarussiuk info@avannaata.gl-imut allagaqarnissassinnut tikilluaqqusaavusi, oqaluttuasi ingerlateqqikkusuppagut
