Folketingimut qiningaasanngortitsissutit
Kalaallit Nunaanni folketingimut qinersinermut inatsit pillugu nalunaarummi nr. 1167, 15. september 2023-imeersumi § 27, imm. 1 naapertorlugu aalajangersarneqarpoq qinigassanngortitsissutit tunniunnissaat tallimanngornermut 13. marts 2026 nal. 12.00–imut killeqassasoq, piffissarlu taanna killigalugu qinigassanngortitsissutit qinersinermi siulersuisunut tunniunneqarsinnaallutik.
Folketingimut ilaasortat marluk Kalaallit Nunaani qinerneqartussaapput.
Qinigassanngortittut kisimiittutut, kisimiillutik kattusseqatigiittut imaluunniit partii qinigassanngortitsisinnaasoq sinnerlugu qinigassanngortissinnaapput.
Folketingimut qinersisinnaatitaaneq
Kalaallit Nunaanni folketingimut qinersinermut inatsit pillugu nalunaarummi nr. 1167, 15. september 2023-imeersumi takuneqarsinnaapput makku:
Kalaallit Nunaanni folketingimut qinersisinnaassaguit qinersisinnaatitaassaatit aamma qinersisartut allattorsimaffianni allassimassaatit.
Qinersisartut kommunimi inuit nalunaarsorsimaffianni nalunaarsorneqarfigisimasaminni qinersisartut allattorsimaffianni ilanngunneqassapput.
Sumiiffiit kommunit aggornerisa avataanniittut Avannaata Kommuniani taasiartorfissatut atatinneqassapput.
Kalaallit Nunaanni folketingimut qinersisinnaatitaassaatit Avannaata Kommunianilu qinersisartut allattorsimaffiannut ilanngunneqarsinnaassaatit, illit:
1. qallunaatut innuttaassuseqaruit,
2. 18-inik ukioqalereersimaguit,
3. Avannaata Kommuniani inuit nalunaarsorsimaffianni nalunaarsorsimaguit aamma
4. nammineersinnaassusiiagaasimassanngikkuit
Inuit imm. 3-mi aalajangersimasumik najugaqarnissamut piumasaqaatinik eqquutsitsinngitsut aamma Kalaallit Nunaata folketingimut qinersisarneq pillugu inatsimmik nalunaarut nr. 1167, 8. septembari 2023-meersumi ilaatinneqartut qinersisartut allattorsimaffiannut ilanngunneqarnissamut qinnuteqarsinnaapput.
Taasiartorfissat aamma taaguinermik siulersuisussat
Kalaallit Nunaanni folketingimut qinersinermi 2026-imi Avannaata Kommuniani qinersinermi illoqarfinni nunaqarfinnilu taasiartorfissat aamma taaguinermik siulersuisussat:
