Avannaata Kommuniata siunnersuutigaa Upernavimmi Saffiorfimmi tigooraavissamik pilersitsisoqassasoq. Tunuliaqutaavoq kommunip eqqagassalerinermut pilersaarutaa, tassani eqqakkat siunissami najukkani ikuallanneqartarunnaassallutik, kisianni poortorneqarlutik allamut suliassanngorlugit umiarsuakkut nassiunneqartassallutik.
Tigooraaviup eqqakkat nuunneqarnissaat poortorneqarnissaallu isumagissavai, taakkulu kingorna ukiumut arlaleriarlugit umiarsuakkut nassiunneqartassapput. Peqatigisaanik qeqertamut nunniugaq aqqusinikkullu attaviliisoq kiisalu umiarsuit talittarnissaannut talittarfik pilersinneqassapput. Saviminikut, elektronikkinik eqqakkat eqqagassallu ulorianartut Danmarkimiut nassiunneqartarnissaat ingerlaannassaaq, ikuallassinnaasulli siunissami Sisimiunut umiarsuakkut nassiunneqartalissallutik, tassanilu ikuallaavimmi nutaaliaasumi suliarineqartassallutik. Siunnersuutip nassatarissavaa Saffiorfik immikkoortup ilariligassaatut nutaattut teknikkikkut atortulersuutinut attaveqaasersuutinullu immikkoortinneqassasoq.
Avannaata Kommunia tamanna tunngavigalugu Kommunimut pilersaarummut tapiliussassatut siunnersuummik nr. 66, UPE1600-E09, „Tigooraavik“, suliaqarsimavoq, taannalu maanna tamanut tusarniutigineqarluni saqqummiunneqarsimavoq.
Piffissaq tusarniaaffiusoq: 27 martsi – 22 maaji 2026
Siunnersuut tamakkerlugu uani atuarsinnaavat:
Forslag til kommuneplantillæg nr. 66
Tusarniaanermut piffissaliussami kikkut tamarmik – innuttaasut, suliffeqarfiit, peqatigiiffiit, meeqqeriviit il.il. – akerliliisinnaapput, oqaaseqarsinnaapput allannguutissatullu siunnersuuteqarsinnaallutik.
Akissuteqaatit uku aqqutigalugit nassiussinnaavat:
- Kommunip pilersaarutaata nittartagaa: Tusarniaanermut akissuteqaatinik nassiussigit:
- E-mailikkut uunga:
Plan@avannaata.gl - Najukkanni Sullissivinnut ornigullutit tunniunneratigut imaluunniit kommunimut allakkatigut nassiussinikkut
Tusarniaanermut akissuteqaammik nassiussinissamut killigititaq:
Kingusinnerpaamik 22. maaji 2026
Tusarniaanerup kingorna qanoq pisoqassava?
Tusarniaanermut piffissaliussaq qaanngiutereerpat, oqaaseqaat siunnersuutillu tunniunneqarnikut nassiunneqarnikullu kommunalbestyrelsip misissuataarumaarpai. Tamatuma kingorna kommunimut pilersaarummut tapiliussaq inaarutaasumik akuersissutigineqarsinnaanngussaaq.