Utoqqaat oqaaseqartartuannik suleqateqarneq nutarterneqaqqammerpoq.
Nutaamik isumaqatigiissuteqarnikkut Avannaata Kommuniani utoqqaat aamma Utoqqaat oqaaseqartartuata akornanni oqaloqatigiinnerulernissaat qulakkeerneqassaaq, utoqqaat atugarisaat immikkut sammineqarnerullutik. Isumaqatigiissuteqarnikkut assersuutigalugu Utoqqaat oqaaseqartartuat utoqqarnik qarasaasiatigut attaveqaatit atorlugit ataatsimiisitsisinnaalissalluni.
Avannaata Kommuniata ataatsimut isigalugu kissaatigaa utoqqaat peqatigiiffinni uummaarissuni peqataanissaminnut periarfissagissaarnerulernissaat.
Taamaattumik Kommunalbestyrelsi suliniutinik arlalinnik aalajangiisimavoq, taakkulu pillugit borgmesteri Lars Erik Gabrielsen Utoqqaat oqaaseqartartuannut qarasaasiatigut ataatsimiinnermi suleqatigiinnissamik isumaqatigiissutip atsiorneqarnerani oqaluttuarpoq: Assersuutigalugu Ilulissani utoqqaat ukioq manna Atuarfik Jørgen Brønlund-imut ikinngutaalerput tassanilu atuartut atuarfimmi ullut toqqissisimanarnerusut misigisalersimagitik oqaatigereerpaat. Aamma illoqarfimmi utoqqaat Qaannat peqatigiiffiata illuata sananeqaqqittup ilaani namminneq atugassaannik initaartinneqassapput.
“Utoqqaat, peqatigiiffiit allatillu Avannaata Kommuniani soqutigisaqartut periarfissaq una atussagaat, utoqqaallu atugaat pillugit oqaloqatigiinnermi sunniuteqaqataassasut neriuutigaara,” oqarpoq Utoqqaat oqaaseqartartuat Kiista P. Isaksen, Avannaata Kommunialu suleqatigeqqinnissaa qilanaaralugu.
Avannaata Kommuniat aamma Utoqqaat oqaaseqartartuata akornanni suleqatigiinnissamik isumaqatigiissut uani takuuk.