Sapaatip akunnerani 16-imi Qaarsuni Meeqqerivimmi Ukaleeqqani uummaarinnerullutillu aalanerupput.
Meeqqat sapaatip akunnera inuit pinnguaataannik sammisaqarfigaat, tassanilu ullut tamaasa meeqqat timersuutini marlunni unammisaqattaarput, assersuutigalugu Two Foot High Kick, Snow Snake, Stick Pull, Alaskan High Kick aamma arsaaqqanik pinnguarnerit.
Sulisut unammisitsinerit meeqqanut tulluarsarsimavaat, meeqqallu ataatsimoornermik aamma timimik aalatitseriaatsimik nutaamik misigitinneqarput.
Sapaatip akunnerata ingerlanerani Arctic Sport-imik aamma Denne Games-imik timersortartut pulaarput, Aaka aamma pania Aili. Qanoq nammineerlutik sungiusartarnerlutik takutippaat aamma nunatsinni, nunanilu allani unamminerminnit saqqarmiut eqqorsimasatik meeqqanut takutippaat.
Tamatuma saniatigut inuit pinnguaataanni pingaartitat oqaluttuaraat: kammalaatigiinneq, ikioqatigiinneq aamma ataqqeqatigiinneq.
Soorunami meeqqat saqqarmiulerneqarput.
2027-mi Avannaata Kommunia, Avannaa Arctic Games-imik ingerlatsissaaq tassanilu inuit najugaqarfiineertorpassuit timersortartut ataatsimut unammisinneqarnissaminnut ataatsimoortinneqassallutik.
