Qimmit angalaannartut pillugit Avannaata Kommunia maanna eqqumanerulerpoq innuttaasut tamarmik toqqissisimanerunissaat anguniarlugu.
Taamaattumik qimmilinnut tamanut eqqaasitsissutigiumavarput, qimmit arfinilinnik qaammateqalereersimasut tamarmik pitussimasussaatitaammata. Qimmit angalaannartuunnginnissaat qulakkiissallugu piginnittup akisussaaffigaa. Tamanna qimmit arnavissat piaraqartillugit aamma atuuppoq.
Inatsisartut inatsisaanni § 9-mi allassimavoq, qimmit arfinilinnik qaammateqalereersimasut kalunnernik pitussimassasut, isersimatinneqassasut, ungaluniissasut imaluunniit pituuttami isassimasumi pituuttarineqassasut. Inatsit malinneqanngippat politiinit akiliisitaanermik kinguneqarsinnaavoq. Tamatuma peqatigisaanik maluginiaqquarput, qimmit allanut ulorianartorsiortitsisutut nalilerneqartut piginnittumut taarsiissutitaqanngitsumik toqunneqarsinnaammata.
Inatsisit malinneqarnissaat qulakkeerniarlugu, qimmit angalaannartut, 2026-mi maajip 11-at nallertinnagu kalunnernik pitussimanngitsut, 2026-mi maajip 11-aniit juunip 7-ata tungaanut tigusarineqarlutik toqunneqassapput. Piffissaq pisariaqartitsisoqarpat sivitsorneqarsinnaavoq.
Qimmillit tamaasa kaammattorpagut akisussaaffimmik tiguseqqullugit, najukkamilu toqqissisimanermik pilersitseqataaqqullugit.
