Avannaata Kommuniata matumuuna Qaanaami sikumi ingerlatit motorillit pillugit paasissutissat malittarisassallu tamanut saqqummiuppai, innuttaasunit ajornanngitsumik pissarsiarineqarsinnaanngorlugit.
Kortbilag uani takuneqarsinnaapput
Tamatumunnga pissutaavoq 2026-mi sikumi angallannerup malunnaatilimmik annertuseriarnera, matumani ATV-it, snescooterit, biilit qimussillu atorneqartarnerat ilanngullugu. Angallannermi periutsit taakku piniarnermut atorneqaleriartuinnarnerat ilutigalugu, kommunip malittarisassat atuuttut pillugit nalornineq qularnerlu pinaveersaartikkusuppai.