Taamaattumik Avannaata Kommuniani kommunalbestyrelsi Palle Jerimiassenimut annertuumik qujarusuppoq ukiorpassuarni kommunimut innuttaasunullu pingaaruteqarluinnartumik suliaqarsimanera pillugu.
Palle Jerimiassen katillugit ukiut 28-it kommunalbestyrelsimi ilaasortaavoq. Ukiut ingerlaneranni Ilulissat Kommuniani, Qaasuitsup Kommuniani aamma Avannaata Kommuniani kommunalbestyrelsimi ilaasortaalluni. Avannaata Kommuniani ukiuni arfineq pingasuni borgmesteriunikuuvoq.
Ukiorpassuarni sulisimanermini misilittagarpassuaqalersimanerminilu Palle Jerimiassen kommunimi ineriartornermut ersarissumik sunniuteqaqataanikuuvoq aamma kommunimi innuttaasut pitsaanerpaamik sullinneqarnissaat sulissutigisimallugu.
Kommunalbestyrelsip Palle Jerimiassenip suleqatigisimaneranut qutsavigaa, siunissamilu ajunnginnerpaamik kissaallugu.
